Wb/mni/হৈবোং পাম্বী/ৱাহৌদোক

“থা-থা থাবুংতোন, নচা মোরাম্বী পোবীগে পোরী শনম নম্বীগে হৈবোং চরোং অমত্তা থাদবিরকউ” ৱাহৈ পরেং অসি মমা ওইবীশিংনা পীরিবা মচাশিংবু থাবল থোকপা নুমিদাংগী মতমদা কপ্লিবা নত্রগা ভূম্মু য়াদবা মচাশিংদু মনমগন্দা পোরগা শকপা নাওশুম ঈশৈ অমনি। নুমিদাংগী মতমদা তরং-তরং থোক্লিবা থা অদুদা হেক য়েংবদা ময়ায়দা মুরং তৌবা মসা ফন বা মানবা মওং অদু মমাশিংনা হৈবোং পাম্বী অমনি হায়না লৌরগা মহাক্কী কপ্লিবা নত্রগা তৃম্মু য়াদ্রিবা মচা অদুগীদমক্তা মদুদা পাল্লি হায়না লৌরিবা হৈবোং চরোং অমতং থাদবিরকউ হায়না শৈথাবনি। হায়রিবা নাওশুম ঈশৈ অদু হেক তাবগা পীক্লিবা অঙাং অদু থুনা ভূমহন্নীংবা অমদি ভূমথহনবগা থোইদোক-হেন্দোকপা মগুন য়াওবা নাওশুম ঈশৈনি। হায়রিবা নাওশুম ঈশৈ অসি গ্রামাফোন্দা অমদি কেসেত্তা ঈশৈ ওইনা শক্লগা নমদুনা মতম অমদা লুহোং-খোংদোংবা অমদি কুম্মৈ হরাওশিংদা থাদোকপা ঐখোয়না অঙাং ওইরিঙৈদা থেংনরকই।

হৈবোং পাম্বী অসি ঐখোয়গী লমদম মণিপুরদা থোইদোক হেন্দোক্বা মরাং কায়না হৌবা অমদি হীরম কয়ামরুমদা শীজিন্নবা পাম্বীলক্তগী অথোয়বা পাম্বী অমনি হায়না লৌবা য়াই । হৈবোং পাম্বী অসি ইংলিসতা ক্লসতর ফিগ (Cluster fig) নত্রগা ইন্দিয়ন ফিগ ত্ৰী (Indian fig tree) নত্রগা গুলার ফিগ (Goolar fig), হিন্দিদা গুলার (Goolar), পঞ্জাবীদা গুলর Goolar), গুজরাটিদা উমরা (Umaraa), আসামিজদা জগনা দিম (Jagna dimaru), ওরিয়াদা দিম্বারি (Dimbiri), টামিলদা মালায়িন মুনিভান (Malaiyin munivan), বেঙ্গোলিয়া জগদুমুর (Jogdumur), নেপালিদা দৃশ্ৰী (Dumri), ইন্দোনেসিয়াদা লাও (Lao), ভিয়েটনামিজদা শুপ্ত (Sung), বর্মিজদা ফুন (Fun) নগা সুন (Sun), সাইন্টিফিক নগা বোটানিকেলগী ওইবা মমিংদা ফাইকস গ্লোমেরাতা (Ficus glomerata Roxb.) নত্রগা ফাইকস রেসিমোসা (Ficus racemosa Linn.) নত্রগা ফাইকস হেনরিকি (Ficus henrici King) নত্রগা ফাইকস সেমিকোসতাতা (Ficus semicostata FM. Bailey) হায়না কৌই অমসুং অশি-হৈবোং অমসুং থৈবোং পাঙ্কীগী শাগৈ হায়বদি মোরেসী (Moraceae) দা চল্লি। হৈবোং পাম্বী অসি সংস্কৃটতা উদুম্বারা (Udumbara) হায়না কৌনৈ ।