Wb/mni/হৈবোং পাম্বী/কান্নবা

হৈবোং পাম্বীগী অশংবা অমসুং অমুনবা মহৈশিং অসি চাৰা য়াই। ঐখোয়াগী লমদম মণিপুরদদি হৈবোং অশংবা মহৈ অদু ঙারি, ঘুম অমসুং মোরোক মকুপকা পূন্না শুগাইমিন্নরগা অহাওবা মথেল মরু ওইনা নুংখিলগী মতমদা চানৈ। হৈবোংগী অমুনবা মহৈ আসি য়া মহাও লৈ অমসুং অঙাংশিংনা পায়া চানৈ। ইন্দিয়াগী মফম খরদদি হৈবোং পাম্বীগী অনৌবা মনা অদু এঞ্ছাং থোংদুনা চানবগী পাউদমশিং লৈ। হৈবোং পাম্বীগী অনৌবা ময়োন (মতোন) অদু সলাদ (শিংজু) ওইনা চানৈ। হীদাক ওইনা হৈবোং পাম্বীগী মনা অদু ঈশিংদা ফজনা চামথোক্লগা লৌবা মহী অদুদা অচা-থুম খরা থাদদুনা নৈখাইরগা শেম্বা মহী অদু গ্লাস মশুং অমগী চাংদাদা পীথভুনা খোং হামথবা অমসুং ঈতোন ফায়বা অসি লায়েংনৈ।

বিজ্ঞানগী ওইবা পাউদম অমগী মতুং ইন্না হৈবোং পাম্বীগী উগী মকু অসিদা উনশাগী শেলশিং চপশিলহনবা ঙম্বা (Astringent) মরয়া মায়তৈ হীদাকশিং (Face lotion) শাবদা শীজিন্ন । য়ায়া কুইরবা মতমদগী শীজিন্নরক্লি মদুদি হৈবোং পাম্বীগী মরা অদু থাঙনা ফৎ হেক ককপদা থোরকপা মহী (Sap) অদু চাং নাইনা থকপদা মীওই অদু পাঙ্গল পীবা ঙম্বতা নওনা অনা- অয়েক কয়াদগী ঙাকথোকপা ঙম্মী হায়দুনা শীজিন্নৈ। হায়রিবা মহী অদু ভৌবোম্বী (Mumps) তৌবদা নারিবা মফম অদুদা নোংমদা ৪-৫ রক চাং নাইনা তৈদুনসু লায়েংনবগী মথক্তা নুপীগী ফিঙো চপা (White discharge) অমসুং ফিংগী লায়নাশিংদসু থোইদোক্বা কান্নবগী পাউদমশিংসু লৈ। কনাগুম্বা মীওই অমা তোন্সিল (Tonsillitis) নারবদি হৈবোং পাম্বীগী মারা অদু ঈশিংদা ফজনা চামথোক্লগা য়ানা তপ্না তপ্না শায়দুনা মহী অদু য়োশিন্দুনা লায়েংবা য়াই। হৈবোং পাম্বীগী মরা অদু ঈশিং খরা হাগুনা নূংদা তব্লগা লৌবা অনংবা মহী অদু তৈদুনা তীল- কাংনা চিকপা অদুদা লায়েংনবগী পাউদমসু লৈ। হায়রিবা অশেম্বা মহী অদু অপোম-অতং তৌদুনা নাই চাবা অমসুং অশোক-অপন তৌবদা তৈবদসু অনাবা অদু য়ায়া থুনা ফহনবা ঙম্মী হায়দুনা য়ায়া কুইরবা মতমদগী শীজিন্নৱক্লি।