Wb/mni/হনুবা হনুবী পান থাবা/1

খায়না মমাংঙৈদা হনুবা হনুবী অনী লৈরম্মী। মধোয় মচা পোক্রমদে। নোংমা হনুবা হনুবী অনীনা পান থানবা হোৎনরম্মী। পান খারিঙৈদা মফমদুদা য়োং খরা লারুশ্মী। য়োংশিংদুনা ইপু ইবেন্না। পান থারিবা অদু শোয়ারে হায়রন্থী। হনুবনা অদুদি করম হায়না থাগনি হায়না য়োংশিংদুনা হংলক্ষী। য়োংশিংদুনা ইপু পানশিংদু রান্না মুন্না ফুলগা লানা ফজনা যোয়গা থাকিয়ু। নোংঙাল্লগা পান মঞ্চাশিংদু শাইজিন যৌনা বাংলমগদৌরিবনি। মদুদা হনুবা হনুবী অনীদু য়োংনা হায়বা রাদু থাজ্ঞরদী। মরম অদুনা পানশিংদু ফুলগা য়োংনা হায়বা অদুমক তৌদুনা পানশিংদু থারম্মী। অহিংদুদা য়োংশিংদুনা পানশিংদু লৌথোত্তুনা চাথেরগা লমপান অৱাংবা ময়াম অমা পুররগা যুংশিন্দুনা থম্লল্লগা চৎখ্রিম্মী। নোংঙালাগা হনুবনা পান থাফমদা ফেলুদা পানশিংদু রান্না বাংলা মকা লাম্না হৌদুনা লৈবদু উবদা হরাউরশ্মী অমসুং ইশুশিংনা হায়বা চুদী হায়না যোংশিংদু থাগৎলক্ষ্মী। হনুবনা হনুবীদা হায়রমী। হনুবী পান মকা অহুম হেক্লো। লাইদা অমা করো। লৈকাইদা অমা পীরো। মকা অমনা ঐখোয়গী ইরোল্লু। হনুবীনা হায়রিবা থবকশিং অদু তৌরশ্মী। চাক লোইরগা হনুবীনা হনুবদা চাক লোইরে চারসি হায়রী। হনুবনা গুসিগী যেনশাং অসি ঐ হান্না চাগে হায়রীী। হলুবনা হেক চাৰগা হনুবী লেংলে হেন্তাক হনুবী হেস্তাক হায়না লাওরমী। হেস্তাক চাবদ লেংবা ফরশ্মী। হনুবীনা মাসু চাদুনা য়েংগে হায়না চারদী। হনুবীনা হনুবা লেংলে হেন্তাক, হনুবা হেস্তাক হায়না হায়রশ্মী। হেন্তাক চাদুনা মধোয় অনীমক লেংবা ফরে। অদুদগী হনুবনা শাওদুনা যোংশিং হাৎকনি হায়রী। হনুবী ঐশু মাংদা হীপ্রগা ফি অন্তৌবা অমনা কুপুগা লৈগে, নংনা হনুবা শিরে হায়না কধু। অসি হায়রগা হনুবনা মনাক্তা উত্তুপ থম্লগা অশিবা শাদুনা লৈয়ে। হনুবীনা হনুবা শীরে হায়না কল্পন্থী।