Wb/mni/শামু অঙৌবগী মচানুপী/৩

নিংথৌনা মচাগী লুহোংনবগীদমক মনাই মশল ময়ামগা লোয়ননা নুপীদুবু লৌবা থোক্লকপদা নুপীদুগী মশক্রু উবদা রাজকুমারসিবু মমিৎ তাংলবরা হায়না শোন্নখি। রাজকুমারসু চিংনখি মহাক্না উমংদগী পুরকপা নুপীদুগা তৌরমলিবসিবু করিনো হায়না? অদুবু মখোয় অনী লুহোংদুনা লৈখরে। নোংমা রাজকুমারগী মমঙদা হায়রৈ। ননাক্তা লৈরিবা নুপীদুনা মমাংগী পুথ্রিদুদা মাবু নমশিনবিদুনা হাৎপদগী শিরগা থম্বাল ওইনা শাতুনা পুথ্রিসিদা লৈরে। অদুনা থম্বাল অসি হেকপীরগা মোন মখাদা থম্বীয়ু তাইবঙ মী ওনবা গুন্থ্রা য়েংগে কনা অমত্তা খংহনবীগনু। রাজকুমারনা হায়রম্বা পুম্নমক অমতা চিথদনা পাংথোকে। মাগী নুপীনদি তৌরিবসিবু করিনো হায়না চিংদুনা থম্বালদু লৌথোক্তুনা শেগাইরগা খোঙবান্দা হুন্দোকখরে। রাজকুমারনা থম্বাল লৈরমদবদগী কদাইদা চৎবগে হায়না হংবদসু অশেংবা তাকপীদরে। অমুকসু নুপী অদুগী থৱায়না মমঙদা অমুক লাগা মাদি হৌজিক ফাত্তবা শিদনা লৈরি অদুনা খোঙবালদগী শেগায়বা থম্বাল ময়ামশি খুনজিনবিরগা ফুরিৎখাওদা কনাসু খংহন্দনা থম্বীয়ু মদুনা তাইবঙমী ওনবা ঙমব্রা য়েংগে হায়না হায়রম্মী। রাজকুমারনা মাগী নুপীসি খংদনা থম্বাল শেগাইবা মচেৎশিং ফুরিৎখাওদা য়োমশিল্পগা হাগুনা থল্লে। নুপী অসিনা মসিদি মওং অমনিনা হায়দুনা শেগাইরবা থম্বাল অদুবু লৌথোক্লগা মৈ থাদোক্লগা উৎ ওলহনখিরম্মী। মসিদগী থম্বালদু মমঙদা অমুক হন্না লাড্ডুনা নিংথৌদা হায়রদ্রে। অহানবদা মপাদা মহাক্না লৌনম নমথাক তৌদুনা ওইদবা ৱা ঙাংখিবদুগী মহৈ ওইবনা মপুরোইবা ওইগদৌরিবা অদুগা লৈমিন্নবা ফংদনা মাংখিরমই। নিংথৌ মচা অদুসু নুপী অদুগা নুংঙাই য়াইফনা লৈখিরমই।