Wb/mni/শামু অঙৌবগী মচানুপী/১

থায়না মমাংঙৈদা চীংয়া অমদা খুঙ্গং অমা লৈরম্মী। হায়রিবা লমদম অসিদা শামু অঙৌবা অচৌবা অমা লৈরমবোইরে। লুখ্রাবী অমনা লৈত-লায়রা তানবা চপসিদা শামু অঙৌবা অসি নুংতিগী থেংনরম্মী। নোংমদি লুখ্রাবী অসিগী থোঙ্গান্দা কুন্দুনা লম্বী থলে। লুখ্রাবী অসিনা চৎকে হন্দোকউ কন্না হায়জৈ। অদুবু শামু অঙৌবনা মাগী মথক্তা লাল্লুগা চৎলু হায়মনবদগী কারগা চৎলকপদা নুমিৎ মঙানি শুরকে অদুদগী শামুদু উমংদা অমুক চখরে। লুখ্রাবীসি মীরোল্লদুনা মচানুপী ফজখ্রবা অমা পোকলমই। অঙাংশিনা মমান্নবা ময়ামগা শান্নমিন্নবদা মপা মশক খংদবগী মচানি হায়না লক্ষবদগী কপতুনা চাক চাও হায়বা যাদবমখৈ মমাদা হংলবদা মমানা মাগী মপা অশেংবদি শামু অঙৌবনি উমংদা লৈবনি হায়না তাক্লমই। অঙাং অদুনা শামু অঙৌবদু থিবা চৎকনি হায়মনবদগী মমানা অসুম্না তাক্লমই। উমংদা শা কৈনা পিক থনবনি করিগুম্বা অৱা অনা তারক্লবদি “ইপা শামু অঙৌবা' হায়না কৌকো। অঙাং অসিনা উমং ফাত্তরগা মপা থিরকপদা শা ময়াম্না চাগদবগী তান্নরকপদা ‘ইপা শামু অঙৌবা ’ হায়না কৌরকপদা শামু অসিনা অঙাংনা কৌখিবা তমা চেল্লক্লগা অঙাংদুবু কনখিরমই। শামুনা অঙাংসিগী লৈফম অমদি মফমসিদা করিগী লাকইবনো হায়না হংবদা মাগী মপাদি শামু অঙৌবনি হায়না তাক্লকপদগী থিরকপনি তল্লবদা মাগী মপাদি মহারি মপাগা লৈমিন্নরসি হায়দুনা মপা মচা লৈমিন্নরে।