Wb/mni/শজিগা ক্বাককা মতা শান্নবা/১

থায়না মমাংঙৈদা নিংথৌ পানবা লৈবাক অমদা শজি অমোম অমা লৈরম্মী। মহাক্কী শক্তি লাবা মপুরোইবদুসু নহা ওইনা য়াম্না গুন্না শিখিরম্মী। শজি অমোম অসিনা মপুরোইবা শিখিবগী য়াম্না মাথায় নুংঙাইতনা মোংশোং অমদা রাখল তৌরদুনা লৈরিঙৈদা ক্বাক অমনা লাক্লগা হায়রকই হা ইতা নঙ করি তৌরিবনো হংলিবা ৱাহংদুদগী শজি অমোম অদুনা ৱারী পুম্নমক ক্বাক্তা লীরম্মী। কাক অসিনসু হায়রকই মদুদি মখোয় অনীমক চপ মান্নরে। মাগীসু মপুরোইবা শিখে হায়রম্মী। অদুনা নুমিৎ অসিদগী হৌনা মতা শান্নরসি হায়দুনা মখোয় অনী মতা শান্নমিন্নরে। নোংমগী নুমিৎ অমদা কাক অসিনা শজিদা হায়রকই “ইতা নঙ শংবদগী করিমতা অনৌ অপেন চাবা ফংদৱে অদুনা উহৈ ৱাহৈ পানবা মফম অমদা কোয়রুখিগে। ইতা নঙনা করিগুম্বা অৱাবা তারক্লবা মতমদা নতা ঐবু কৌরকউ। ” ব্রাফম অসি হায়রম্লগা ক্বাক অদু চখরে। তাঞ্জা অসিদা লমহুই অমোম অমনা শক্তি অমোম অসি হেক উবা মতমদা হরাউবগা লোয়ননা চাবা য়ারনি খনবদগী মধোয় অনী মতা শান্নরসি হায়না লমহুইনা হায়বদগী মখোয় অনীসু নুমিৎ অদুদগী হৌনা মতা শান্নরম্মী। লমহুইনা শক্তি অমোম অসিদা ফত্তবা ৱাখল তৌরদুনা হায়রকই “ ইতা শজি নখোয়দি য়াম্না চাগনবনি অদুনা হৈব্ৰু হৌবা মফম থিরুসি অদুগা ইতা ঐখোয় অনী চামিন্নসি। ” লমহুইদু হৈঐ হৌবা মফম থিবা চৎখিরম্মী। লমহুইনা খল্লি করিগুম্বা শজি অসি মানা পুদুনা লাকপা মতমদা লাং অমদা হেক মখোঙদুদা থুদুনা লৈরিঙৈ তাঞ্জা অদুদা মানা চংশিন্দুনা চারবদি হাওখুনিদা হায়না খল্লগা লাকপা মতমসিদা লাং থাক্লগা থল্লম্বা মফম অমা থেংনরে।