Wb/mni/লুখ্রাবী অনী মতা শান্নবা/৩

মদু তাবদা নিংথৌ মচানুপী অদুনা চেনখিদুনা খুদোপ য়াইওইবা অদু লৌথোকনবা হোৎত্নবদা অশিবা মীগী মশাদগী লৌথোকপা ওইবনা য়ানা চিকলম্মী। মানা ফি থারগা ময়ানা শতোকনবা হোত্নবা অদুদা মপুরোইবনা মাগী নুপী অসিদি মী অশিবা চারে, লৈমিন্নবা ঙমলরোই হায়দুনা নিংথৌদা ৱাকৎলম্মী। নিংথৌনা মচানুপী অদুবু কৌখলগা হংবদা মানা অঙাং ওইরিঙৈদা লোয়নরকপদগী শা-উচেক্কী মরোল খঙবা ঙম্মু হায়না বর পীরম্বদগী লাই ফদিবীগা তমফা য়াই খুদোপ ফংখিবনি হায়বগী মরম পুম্নমক তমলিঙৈদা কাক অমনা অমুক পাইরত্তুনা খোংলরে। “নিংথৌগী শগোল শঙ অসিদা সনানা শামু মখোঙমুক চাউনা ফুমদুনা লৈরে ফংজরু।” উচেকশিংনা খোংবগী মরোল খঙবনিনা মচানুপী অদুনা মপা নিংথৌদা তল্লে। মচানা হায়বগী মতুংইন্না মনাইশিং থাদুনা য়েংহল্লুবদা সনা লৈরম্বদো উবদা ঙকখি। নিংযৌগী মচানুপী অসি অচম্বা নত্তে হায়বসি খঙলক্রুনা মহাক্কী নুপানা অমুক হন্না লৌশিল্লম্মী। মতৌ অসুম্না মখোয় অনীমক খুদোপ অদুগী মতেংদগী য়াম্না নুংঙাই য়াইফনা পানখিরম্মী।