Wb/mni/য়োং অমসুং অঙাং/১

থায়না মমাংঙৈদা মতৈ-মনাও অমনা য়োং অমা লোইরম্মী। য়োং অসিসু য়াম্না শিংই। মরম অসিনা মখোয় মতৈ মনাওনা য়োং অসিদা মচা শিন্নরম্নগা থবক ইনখাং শুবা নোম্বা চৎলি। অদুগা য়োং অসিনা নুমিৎ খুদিংগী অঙাং অসিবু পিজ পিথক তৌবা অসিনা মহাক্কী মথৌনি।

অসুয়া মতম খরা লৈরক্লবা অসিদা নোংমদি য়োং অসিনা অঙাং অসিবু ঈরুজবিগে হায়দুনা খুদেং অমদা ঈশিং খরা হৈরগা ফমহল্লম্মী। মদুদা অঙাং অসিনা হেক ফম্বগা ঈশিং অদুদা মখুনা পোপ, পোপ থাদুনা শান্নরম্মী। মদু উবদা য়োং অসিসু ঙাইহাক শান্নজরসনু খন্দুনা য়েংদুনা লৈরে। ভাইহাক অসুম য়েলম্বদগী য়োং অসিনা উইনিংলভুনা উইদুনা লৈথোক্লে। মতম অসিদা মখোয়গী ইংখোলদা লিন লাবা অমগা মশা লুল্লবী অমোম অমগা লৈরম্মী। মতম অদুদা লিন অমোম অসিনা ঈশিং য়াম্না খৌরাংলত্তুনা লাবা অদুদা হায়রন্থী “ইবুংঙো ঐ ঈশিং য়াম্না খৌরাংলে। অদুনা অঙাং অসিনা ঈরুজরিবা খুদেং অসিদগী ঈশিং খজিক্তা থকচরুগে ”। অসুম্না হায়রকলবদা লিন অসিনা হায়রকই “ ইবেম্মা নঙ নশাগা লুম্বনে, অঙাং অসিনা নঙবু পায়দুনা শান্নরক্লবদি নঙ শাউদুনা চিকপিরুগনি। য়ারবদি অতোপ্পা মফম অমদগী থকউচো”। অসুম্না হায়রকপা অসিদা লিন অমোমনা অমুক খুলকই, ইবুংঙো ঐ করিস তৌজরোই, থকচরুগে। অসুম্না হায়রক্লবদা লিন অমোম অদু অঙাং অদুগী মনাক্তা ঈশিং থকপা লাক্নে। লিন অমোম অদুনা খুদেং অদুদা কাখলব্লগা ঈশিং থকে তৌবদা অঙাং অদুনা লিন অদুবু পায়রগা খুদেং মপান্দা তাক তাক থাদুনা শান্নরে। মতম অসিদা লিন অমোম অসি খাঙবা ঙমদদুনা অঙাং অদুদা কোক চিক্কুরে। অদুদগী অঙাং অদু মুশুক মুনা কাহভুনা শিদুনা লৈরে।