Wb/mni/মণিপুর অমদি ম্যান্মার/৬শুবা তাংকক্

মৈদিংঙু গরিবনিৱাজগী লাইপোক্কী ওইবা মতিক ময়াই কয়াগী ৱারীদি করিসু খঙজদবা ঐহাক্না মরীক চুম্না ফোঙদোকচবগী ইতিক লৈজদে, খঙজবা খজিং শুপচিন্না থমজবনি। মথক্তসু পঞ্জখে, ম্যান্মার/বর্ম্মা/ ন্ত্রান্মা লৈবাক্তা খুন্দা লৈতাখিবা কাঙলূপশিংগী মনুংদা মৈতৈশিংগা নকশিন্ননা মরুপ মপাং ওইখিবদি চাইনারোমদী লাকখিবনি হায়রিবা পোং (শান/টাই/কবো) শিংনি হায়বসি পুৱারীগী চেমায় অয়াম্বদা থেংনৈ। অদুবু মমৈথংদা পোং/কবোবু ওইরো, কোইবু ওইরো, মৈতৈ কবোবু ওইরো, কাঙলূপ খুদিংমক ম্যান্মার/বর্ম্মা/ন্ত্রান্মা হায়বা অপূনবা লৈবাক অমগী মখাদা লৈদুনা মপাঙ্গল কনবা লৈবাক অমা ওইনা লৈখিবগা লোয়ননা মতমদুদা মালেমগী ওইনা মচিন তুমখলকপা ‘বুদ্ধিষ্ট’ লাইনীংসু হান্ননা লৌখবা লৈবাকসুনি।

অসুম্না মৈদিংঙু চরাইরোংবগী খুদুং ইন্দুনা মহাক্কী চাদা ওইহৌখিবা নিংথৌরেনশিংনা নোংচুপলোমগী কাঙলৃপশিংগা নকশিন্নদুনা বৈদিক ধৰ্ম্মদা খুমাঙ চাওশিনখিবনি হায়বসি থমজগে।

মতৌ অসুম্না অঙনবা মতমদগী হৌনা লৈবাক নিংথৌ য়ানদুনা ঔৱারোমদগী খুন্থোক্লক্রুনা মৈত্রবাকলোমদা তিনখিবা অদুগা মৈত্ৰবাকলোমদগী ঔৱা/ম্যান্মাররোমদা চঙখিদুনা ঔৱা অদুম ওনখিবা অখঙ অহৈশিংনা খঙনরবা ঙাক্তনি ।

অরোইবদা থমজরিবা ৱাফমদি - মতমদুগী মৈদিংঙুশিংদুনা লৌখলমখিবা থৌরাং খুদিংমক মরমদম মৈত্রবাক মণিপুর তেক্তা কায়দনা থম্বীরম্নবগীদমক্তনি হায়বসি ঙসিগী মীরোন্না কাউফরোই।