Wb/mni/মণিপুর অমদি ম্যান্মার/৩শুবা তাংকক্

মতমগী য়াওলদা, ঔৱা (ন্ত্রান্মা) গী তোঙ্গু নিংথৌ শাগৈগী ৯শুবা নিংথৌরেল মার-উঙ রত্নদরগা (কুমজা ১৬৯৮-১৭১৪) না পানবা তাঙ্ককসিদা য়ুরোপকী লল্লোনবশিংনা ঔৱাগী লম লৌশিন্নবা হোত্নরকপা অমসুং ম্যান্মার /ন্ত্রান্মা মনুংগী লৈপাক মচা কয়ামরুমনা লান তাশিল্পকপা কয়াসিনা ম্যান্মারগী লৈঙাকসি মপাঙ্গল অমুক শোন্থরকখি। মতমদুদা ঔরাগী নিংথৌ মার উঙ রত্ন দরগানা মহাক্কী লৈবাক মনুংগী লালহৌ-লাঞ্জংশিংদু মৈতৈশিংগা থেংনহনবগী শরৌদা মৈতৈ নিংথৌগা চারৌ-মৌরৌনদুনা ভাই- শেন ওইনবগী খুজিন থৌরাংদা ঔৱাগী অঙম-অর্থৌশিং মৈতৈ কোনুংদা নিংথৌগী মচা ইবেম্মা অমা পীবিনবা থারকখি (কুমজা ১৭০৩) । মতমদুদা মৈত্রবাক্তা পাল্লিবা নিংথৌরেনদি মৈদিংঙু চরাইরোংবনি। মৈদিংঙু চরাইরোংবনা ঔৱাশিংনা লৌশিনখ্রবা চকপা খুঙ্গংশিংদু হঞ্জিল্লক্লবদি মচাইবেম্মা চকপা মখাওঙম্বীবু ঔৱাগী নিংথৌদা থাজগনি। লোয়ননা মচাইবেম্মবুসু ঔৱাগী লৈমরেম্বী হাপ্পীগদবনি অসিনি। ৱাফমসিদা য়ানরদুনা মৈদিংঙু চরাইরোংবনা মচাইবেম্মা চকপা মখাওঙম্বী (মৈদিংঙুগী লৈখিদ্ৰবী তাল্লোয় নুংথিল চাইবীনা পোকপনি) বু ঔৱা নিংথৌগী কোনুংদা থিনবীরম্মী।