Wb/mni/থেবা লৌশিং/১

থায়না চাউখ্রবা চীংমায় অমদা থেবনা পুল্লৈ অমদি য়াইপল হেক্লগা চারিঙৈদা কৈ চাউখ্রবা অমনা থেবদু হেক উবদা চানিংমনথ্রদুনা মহারা চারিবদো করিনো হায়না হংলক্ষ্মী। থেবনা পুল্লৈ অমসুং য়াইপল অনৌবা মতোন্নি হায়না কিনা খুমলম্মী। কৈনা অদু ওইরবদি মাসু খজিক্তা চাগে হায়খি। থেবনা চাবিয়ু য়াগনি ঙাইহাক্তা পোৎথাবীয়ু অদুগা অনৌ-অনৌবা হেক্লগা অদোমগী য়াদা ইঞ্জরক্কে হায়বদা কৈদু তুমিন্না য়ারদুনা লৈরম্মী। থেবনা পুল্লৈ অমসুং য়াইপল মতোন ইন ইন্দুনা পীজবদা কৈদু নুংঙাইমন্দুনা তুমথখরে। তাঞ্জা অসিদা থেবনা চেন্দুনা শিংমিৎ অমদি তৌ মতোন অদুদা তোংদুনা শান্নরগা নুংঙাইনা লৈরে। কৈনা মিকপ থোক্লকপদা থেবদু লৈরমদ্রবদা শাওদুনা থির থিরদুনা লাকপদা তৌ মতোন্দা শান্নদুনা লৈবদু মহাক্না উরম্মী। ওসিদি খংগনি গুরাংসু তাৎ তৌদুনা চেনখি হায়না হায়রকপা তাবদা থেবদুনা খুমলকই “ ঐদি গুরাংগী থেবদু নৎচদে। ঐদি তৌ মতোন্দা তোংবা থেবা হায়বদুনি থেবদা জাৎ খায়দোকই। ” থেবগী পাউখুম তাবদা কৈদুনা মাসু তৌ মতোন্দা অমুক্তা তোংহল্লু হায়রবদা থেবনা কৈ অদুবু তৌ মতোন্দা তোংহল্লে। কৈনা তোংলগা থেবনা অসুম নোম্বদা নুংঙাইমনথ্রদুনা কৈদু তুমথখরে। থেবনা কৈগী মতু অশাংবশিংদুনা তৌগা পান্নদুনা পুনশিন্দুনা থম্বীরম্নগা থেবা চেনখরে। কৈনা মীকপ থোরকপদা থেবদু লৈরমদরে। কৈনা চৎকে তৌবদা মতু ময়ামদু পুনবীরল্লবদা চৎনবা হোৎত্নরকপদা মশা পুম্বা মতু কেল্পে।