Wb/mni/তেনৱাগী ৱারী/4

অমরোমানা হনুবা হনুবী অনীদু ওসিদি নহা ওল্লদৌনি খল্পদুনা ঈরু মায়থজরদনা তেনৱানা হল্লকপা মায়কৈতবু য়েংদুনা লৈরে। মশু তেনৱানা হল্লকপদা মথোয় অনী হরাউথি। হংলকই, পুররা? অদুবু তেনৱাদুনা ওসিদি মফমদুনা চৎসি হায়বা মরুপলোইশিংনা যাদ্রে, খরা লৈরগা চৎসি হায়রে অদুনা ইপু ইবেন ঐবু বারৌরীগনু নশুনা শোয়দনা উহৈ অদু পুৱন্ধনি। ঙসিগীদি উহৈ অসি চাবীরো হায়না পীরী। মধু মবেনদু নুংশুক নুংজান্নরশ্মী অদুবু মশুনা হায়বদু যাদুনা তুমিল্লা লৈরম্মী। অসুন্না নোংম নোংমা য়ৈথোরকপনা নুমিৎ মশিং রামলকলে। সোমদনা হনুবা হনুবীদুনা তেনৱাদা করি নুমিতা চকদবনো হস্তবদা লোইরে। নোংমদি তেনৱাদুনা তেনৱা শঙ্গুদুদা মরুপশা ঐ ইপু ইবেন্না হওবদা লোইরে মহানগী উহৈ হৌফম মফমদুদা চৎসি হায়রন্থী। তেনরা শশুদূদী খরা অহন ওইবা তেনৱা অমনা অদুদি উহৈসু রান্না হাওবা নহানগী উহৈ অদুগা মান্নবা মফম অমা লৈ মদুদ চলসি, উহৈ অসি ঐখোয়নসু চাবা যারা অদুগা অতোপ্পনসু চারা যাবা, ঐনা চারসু মখোয়না চারসু নহা ওনবা উহৈনি চৎলসি হায়না মখোয় মফম যৌনা পায়ছে। মফমদুদা মধোয়না মরুক খন্নবা উহৈ করা চারে হায়রিবা উহৈ অসিসু চারে অদুগা তেনরা অদুনা যায়া হুরাউনা উহৈ অমসু পুরকলে। পুরকলিবা উহৈ অদু নহান তাখিবা মফমদুদা অমুক তায়ে। অসুন্না উহৈদু পুদনা তেনৱাদু হঞ্জিনলকে।