Wb/mni/উচেকশিংগা ৱারী শান্নবা ঙম্বা নুপামচা/২

নুমিদাংৱাইরম মপা মচা ময়ুমদা হল্লকপা মতমদা লমখুনু মতৈ মনাও অনীখক য়াম্না হরাউনা খোংবা তাখিরম্মী। মপানা করি হায়রিবনো হংবদা মচানা হায়রশ্মী “ঐখোয়না হুল্লিবা মরু মরাংশিং অসি লোইনা কংলগনি, অদুনা মখোয় মবুক পেন্না চাবা ফংলগনি হায়দুনা হরাওরিবনি হায়রম্মী। ময়ুমদা হল্লক্লগা লৌউবা অদুনা মাগী নুপীদা থৌদোকশিং অদু তন্ত্রগা মচানুপা অসি থবক শুনীংদ্রে, উচেক ৱায়ানা খোংবা মখোল তাদুনা লৈথোকলে হায়দুনা শাউরম্মী। মমাদি মচানুপা অদু পাঞ্জি ওইখিবা তারে হায়দুনা মথৱায় রাজরম্মী। মচানা পাঞ্জি ওইখিবা হায়বসি মমা মপা অনীমক্লা পামজরমদে অদুনা মতৈ মনাও করি তৌসিগে হায়দুনা কুপনা তান্নরম্মী। মথংগী অয়ুক অঙনবদা লৌউবা নুপা অদুনা লাং অমা পুদুনা চৎগা মখোয়না গুরাং থেংনখিবা লমথুনু অনীদু ফাদুনা পুরকে।

মথং নুমিৎকী অযুক্তা মচানুপানা তুমদুনা লৈরিঙৈদা মতৈ মনাও অনীনা লমথুনু অনীদু থোংদোক্লগা মচানুপানা হৌগৎলকপা মতমদা য়েন থোংবা মহীনি থকউ হায়রম্মী। মচানুপানা তেঙ্গোত্তা য়াওরিবা মহীদু উবদা অসুম্না হায়খিরম্মী “নখোয়না থোংলিবসিদি য়েন নত্তে, ঙরাং ঐখোয়না থেংনখিবা লমখুনু মতৈ মনাও অনীদুনি হায়দুনা থকউ য়ারমদে। অদুবু মমা মপানা লাও খোংদুনা চৈ থাংবদগী কিনা কিনা মচানুপা অদুনা মমীৎ উইশিল্পগা লমখুনু মহীদু থরুম্মী।

মতম খরা লৈরবা মতুংদা মচানুপা অদু অঙাওবগী মতৌ ওনখে উচেককী মরোলসু খঙখিত্রে, থবক শু হায়রবসু য়াখিদ্রে, ফমদুনতা লৈখে। মমা মপাসু মচাগী মতৌ উবদা করিনুংগী পীথক্কুবনো হায়দুনা য়াম্না নুংঙাইরমদে লৌবুক্তসু মচানুপানা হায়রম্বা মতুংইন্না ইকং থোক্তুনা মহৈ-মরোং ইরোক লোকখিদ্রে।