Wb/mni/অপঙবা ময়াম্বা/১

থায়না মমাংঙৈদা খুল অমদা লাইরবা ব্রাহ্মণ অহল অমগী মচানিপা অনীখক লৈরম্মী। মচানুপা অহলদি পংই, অদুগা অতোমবদি য়াম্না শিংঙি। অহল ওইরবা মপা অদু ফমুংদা কুইনা নাদুনা লৈরে। মচা নিপা অহলনা মপাগী সেবা ফি শুবা, ঈরুথোকপিবা, চাক থোঙবা মপাগী মনিং থুঙনবা সেবা তৌরি। মতম খরা লৈরগা মপা অদু শিখে। শ্রদ্ধ কৰ্ম্ম লোইখ্রবা মতুংদা মচিল মনাউ অনী অদু মপানা থম্বীরমবা ষনবী, হৈনৌ পাম্বী, কাঙখল, য়াইপুবা খুজাইনে পোশক মখল মরি অসি য়েন্নরসি হায়দুনা মনাউ নুপানা তাদনা অহলনি, অহলনা মকোক লৌফম থোকই ” হায়না মপানা থন্থীরম্বা যনবী অদু মকোক্তগী তঙখায় অদু ময়াম্বদা পীরে, লেমহৌবা তঙখায় মমৈ ফাওবা অদু মাগী ওইরে। হৈনৌ পাম্বী অদুসু মখোঙদগী ময়াই ফাওবা তঙখায় অমা ময়াম্বদা পীরে। লেমহৌবা তঙখায় মশা মরেং য়াওবা শরুক অদু মানা লৌরে। কাঙখল অদুদি অয়ুক নুংথিলদা ময়াম্বা শিজিন্নৌ হায়দুনা পীরে, নুমিদাং মতমদনা কাঙ ক্তিনবা মানা খল্লি। খুজাই অদু মানা লৌনিংদুনা ময়াম্বদা তাদা খুজাই অসিদি ননাউনা অতোম্বনি ইপানা থম্বীরম্বনি ইপা য়েংবগুম য়েংজদুনা থমজগে অসিমদি ননাউনা ফংজরগে হায়দুনা মানা লৌরে। অসুম্মা মপানা থন্ত্রীরম্বা পোৎ চৈশিং অদু য়েন্থোক্লরে ময়াম্বা অদুদি অপঙবনিনা মনাউ নুপানা হায়বতা হরাউ হরার্ড অদুমক যাই। মনাউনা হায়বা অদু অচুম্বনি খল্লি। মরক মরক্তা অসিমা পুরকর্ড, অসিমা থাণ্ডলকউ হায়বদু অদুমক য়াই।