Wb/min/Resep: Wadai Patah Banjar

Wadai Patah Banjar

saratuih limo puluah gram tapuang bareh
tigo ratuih tujuah puluah limo mili liter santan karambia yang sudah di didiahkan (sisa parasan karambia)
duo sendok teh aia kapua siriah
satangah sendok teh garam
saparalunyo pasta pandan dan pawarna hijau
sacukuiknyo bawang merah goreang

duo ratuih limo puluah mili liter santan pakek (dari duo ratuih sampai duo ratuih limo puluah gram karambia paruik)
saparampek sendok teh garam
saparampek sendok teh marica bubuak

Untuak langkah partamonyo ambiak dulu santan pakeknyo sabanyak duo ratuih limo puluah mili liter, untuak di buek saus lala'annyo dari jumlah karambia paruik yang alah di siap'an. sisonyo, dibuek manjadi santan enccer sabanyak tigo ratuih tujuah puluah limo mili liter, sisiah dulu.
Salanjuiknyo buek saus lala'an talabiah dulu : abuih sadolah bahan saus sampai mandidiah, pakek bana, baminyak dan mulai timbua gumpalan karuah. lalu angkek dan bia'an sampai dingin. sudah tu buang saketek minyak karambianyo yang timbua.
Sudah tu campua'an sadolah kue, kacuali pasta pandan, pawarna dan bawang goreang. lalu aduak sampai manjadi adonan yang rato dan lincia. kamudian masak adonan tu diateh api sadang sambia di aduak-aduak, sampai adonan lah mulai pakek, tapi jan sampai mandidiak bana, INGEK!!! matian api kompor, sambia di aduak-aduak taruih supayo adonan indak manggumpal dan tetap lincia sampai uap angek nyo bakurang. sasudah tu, ambiak sapartigo adonan, di sisiaham. sisonyo di campua jo pawarna hiaju dan pasta pandan dan aduak sampai rato.
Tuang adonan hijau ka dalam loyang yang sudah di oleasn minyak, ratoan. salanjuiknyo tuang adonan putiah di atehnyo, lalu buek motif acak (marmer) dengan bantuan lidi.
Kukuih di dalam panci pengukuih salamo kurang labiah tigo puluah minik atau sampai kue tu masak.
Dan salanjuiknyo sasudah dingin, karek-karek kue dan latak'an di piriang, sudah tu taburi bawang goreang. hidang'an kue dengan caro di cocol ka saus lala'annyo.