Wb/min/Resep: Serabi

Serabi

Bahan-bahan

• 1/2 kilo gram tapuang bareh
• 1/2 buah karambia paruik
• Aia masak suhu ruang
• Garam sacukuiknyo

Caro Mambuek

1. Ambiek ciek tampek, masuakkan tapuang bareh jo karambia paruik, aduk marato.
2. Tambahan aie saketek sajo (asa basah se), lalu uleni adonan salamo 30 menik.
3. Aduak taruih sampai mangaluaan galambuang-galambuang udaro.
4. Jiko alah mangaluaan galambuang-galambuang udaro, tambahan aia saketek demi saketek sampai adonan encer.
5. Masuakkan garam sacukuiknyo, satalah itu koreksi raso sampai raso alah taraso pas.
6. Satalah itu diamkan adonan salamo 15 menik sajo.
7. Salamo manuggu adonan siap, angekkan cetakan serabi sampai benar-benar angek, tujuannyo suayo serabi bapori atau basarang elok jo indak malampam.
8. Jiko cetakan alah angek dan adonan alah siap, masuakkan adonan serabi sacukuinyo lalu tutuik.
9. Jago api kompor jangan terlalu gadang bana jan tarlalu ketek bana, api sadang sajo supayo adonan matang dengan sampurna.
10. Tunggu sakitar 5-7 menik, buka tutuik cetakan, jiko permukaan serabi alah kariang tandonyo alah masak.
11. Angkek surabi, latak di piriang.
12. Serabi siap dihidangkan, buliah ditambahan topping sasuai salero.
13. Salamaik mancubo, samoga berhasil.