Wb/min/Resep: Sambal Roa Khas Manado

Sambal Roa

Bahan

• 3 ikua ikan roa asok
• 75 gram bawang merah
• 200 gram tomat
• 200 gram lado kutu
• sasendok teh garam
• ½ sendok makan gulo pasir
• sasendok palamak raso

Caro Mambuek

1. barasiahan 3 ikua ikan roa
2. buang kulik, kapalo, ikua, sarato tulang-tulang ikan roa
3. angekan minyak, pastian minyak alah angek bana
4. kamudian masuakan ikan roa ka minyak sabanta sajo
5. angkek ikan nan alah digoreang sabanta tadi, kamudian sisiahan dahulu
6. siapan batu lado, kamudian aluihan ikan roa nan alah digoreang tadi
7. aluihan 200 gr lado kutu, buliah digiliang jo batu lado sajo atau jo blender
8. irih aluih-aluih 75 gr bawang merah jo 200 gr tomat nan alah disadioan
9. angekan minyak, kamudian goreang bawang merah nan alah diirih tipih
10. kok warna bawang alah barubah warma, masuakan lado nan alah dialuihan tadi
11. tumih sadonyo sampai harum
12. tambahan tomat nan lah diirih tadi, masak sampai tomat layu
13. masuakan ikan roa yang alah dialuihan tadi, kamudian masuakan pulo garam, gulo, sarato palamak raso
14. kacau kasadonyo sampai rato sampai sambal roa masak
15. cuboan rasonyo saketek, kok alah sasuai salero, bararti sambal roa khas Manado ko alah bisa langsuang disajikan jo nasi angek!