Wb/min/Resep: Pempek Bangka

Pempek Bangka

Pempek Bangka

Bahan:

• duo ratuih limo puluah mili aia
• saratuih duo puluah limo gram tapuang tarigu
• duo siuang bawang putiah
• duo sendok teh garam
• sa sendok teh masako bubuak
• sacukuiknyo dagiang ikan tenggiri nan alah di giliang . samakin banyak samakin lamak
• duo ratuih limo puluah gram tapuang sagu tani
• duo butia talua ayam ukuran sadang

Bahan cuko bangka:

• tigo ratuih mili aia putiah
• aia cuko sasuai salero
• tigo siuang bawang putiah
• saparampek sendok teh garam
• duo sendok teh gulo
• sasendok makan taoco manih
• lapan lado merah karitiang
• tigo lado kutu merah

Caro mambuek pempek:

1. aluihan bawang putiah jo garam, campuan ka aia , masak sampai mandidiah, satalah mandidiah tu tuangan ka tarigu, aduak sampai kalih masuakan dagiang ikan. dinginkan agak sabanta.
2. satalah agak dingin masuakan talua aduak marato. tambahan tapuang sagu, aduak sampai kalih.
3. alah sudah kalih, bantuak adonan sasuai salero.
4. didiahan aia tambah minyak manih saketek untuak maabuih pempek. kalau aia alah mandidiah masuakan adonan pempek yang alah dibantuak tadi tunggu sampai adonan mangapuang baru diangkek sudah tu tirihan
5. pempek bisa di makan langsuang atau bisa di simpan di dalam freezer kulkas.

Caro mambuek cuko bangka:

1. masukan aia tigo ratuih mili ka panci utnuak ma abuih bawang putiah, lado merah karitiang jo lado kutu merah, sampai mandidiah. sudah tu angkek, digiliang sampai aluih. tambahan garam, gulo jo toco manih. aduak sampai rato. terakir masuakan aia cuko sacukuiknyo. koreksi raso alah pas atau alun.

Caro panyajian:

1. latakan dalam piriang, pempek abuih tu siram jo kuah cuko bangka, tambahan sayua sasuai salero.