Wb/min/Resep: Kue Aka Pinang

Kue Aka Pinang.

Bahan:

• 500 gram tapuang katan
• 5 butia talua ayam
• 2 sendok makan mantega
• 1/2 sendok teh soda kue
• 1 sendok teh garam
• 2 sendok makan gulo pasia
• 1 bungkui panyedap raso
• 5 siung bawang putiah
• 1 liter minyak goriang

Caro mambuek:

1. Siapkan sagalo bahan nan diparalukan untuak mambueknyo.
2. Partamo sadiokan wadah untuak mancampua sagalo bahan manjadi satu, kacuali aia kamudian aduak rato.
3. Jiko alah marato bisa ditambahan aia saketek-saketek supayo indak manggumpa, aduak lembek-lembek.
4. Angekkan minyak talabiah dulu jo api nan ketek, kamudian siapan cetakan kusus kue aka pinang untuak mambuek bantuak lakuak indak baraturannyo.
5. Ambiak saganggam adonan kue aka pinang nan alah jadi tadi, kamudian atak diateh cetakkan sudah tu takan lembek-lembek di ateh kuali sudah tu bia adonan tacetak langsuang jatuah ka minyak goriang. Buek taruih sampai adonan ko abih.
6. Kamudian goriang kue aka pinang sampai masak, goriang kue ko sampai bawarna kuniang ka emasan.
7. Biasonyo katiko kue ko masak, teksturnyo rapuah jo garing.
8. Kok alah masak bisa ditirihkan minyaknyo dulu, baru bisa di idangan.