Wb/min/Resep: Ketoprak

Ketoprak

Bahan-bahan:

• 3 buah Lontong potong sasuai salero
• 1 Tahu putiah cina
• 1 Buah Timun potong dadu ketek-ketek
• 1 Keping Bihun
• Bumbu kacang sinti
• Lado sacukuinyo
• Kacambah
• Kecap manih
• Garam sacukuinyo
• Talua abuih.

Caro Mambuek

1. Goreng tahu putiah cina sampai kuniang kecoklatan, jiko alah masak angkek dan tirihan.
2. Randam bihun jo kacambah di aia angek salamo 10 minik.
3. Giliang lado jo bawang putiah dalam piriang, satalah itu tambahan bumbu kacang, Aduak sampai tacampua rato.
4. Jiko kuah kacang alah rato, racik tahu, kacambah, timun nan alah dipotong dadu jo bihun sasuai salero, kacau marato.
5. Tambahan kecap manih sasuai salero. Tambahan talua abuih jiko suko, jiko ndak suko bisa diskip sajo.
6. Terakhir tambahan karupuak supayo ketoprak labiah mantap.
7. Jiko diraso sadonyo alah siap, Ketoprak siap disantap dan disajian.
8. Salamaik mancubo dan semoga berhasil.