Wb/min/Resep: Ilabulo Gorontalo

Ilabulo Gorontalo

Bahan

• Sagu
• 2 kg sandung lamur (nan gapuak nan indak lakek)
• 2 buah karambia kukua
• lado kutu rawit
• lado bulek
• bawang merah
• bawang putiah
• sarueh jari jahe merah
• 3 sarai ditumbuak
• daun pandan sahalai
• daun pisang (untuak pambungkuih)

Caro Mambuek

1. aluihan lado kutu, lado bulek, bawang merah, bawang putiah, jo jahe
2. kok alah aluih, pindahan ka dalam ciek tampek
3. abuih sandung lamur sampai empuk
4. kamudian potong-potong babantuak kotak, pisahan ka wadah lain pulo
5. rameh karambia kukua untuak maambiak santannyo, pisahan di wadah lain pulo
6. masuakan sarai jo daun pandan ka dalam santan, kamudian angekan
7. kalau lah mangalagak, masuakan bumbu nan alah dialuihkan sabalunnyo tadi
8. masak jo api sadang
9. jan lupo dikacau-kacau taruih supayo santan indak pacah
10. masuakan sandung lamur nan alah dipotong kotak-kotak
11. kok alah mangalagak, masuakan sagu saketek-saketek sambia diaduak
12. aduak taruih sampai teksturnyo barubah manjadi lakek, padek, dan bisa dibantuak (jan banyak bana mamakai sagu karano bisa mambuek adonan mangareh)
13. tunggu sampai agak dingin
14. siapan daun pisang nan alah dibarasiahan
15. latak di daun pisang, kamudian guluang atau dibantuak sasuai salero
16. sasudah tu, silakan dibaka jo api sadang
17. kok warnanyo alah barubah, bararti ilabulo alah bisa diangkek dan disajikan