Wb/min/Resep: Gulai Sukun

Gulai Sukun

Gulai sukun marupokan makanan khas tradisional masyarakaik Minangkabau. Dinamoan gulai sukun, karano bahan dasarnyo adolah buah sukun. Sukun nan digunoan bukan sukun nan alah masak, malainkan sukun nan alah tuo.

Bahan

• 1/4 ikua ayam, potong ketek-ketek
• buah sukun
• 1 sachet bumbu gulai
• 1 sachet santan bubuak

Bumbu

• 6 lemba daun limau puruik
• 2 batang sarai
• 4 buah cengkeh
• 1 kalingkiang kayu manih

Caro Mambuek

1. Sadioan sadolah bahan
2. Bukak sukun tu potong ketek-ketek
3. Angekan aia sampai manggalagak di panci, masuakan bumbu gulai jo bumbu-bumbu lainnyo
4. Masuakan ayam, abuih sampai masak.
5. Kalau ayam alah masak, masuakan buah sukun yang alah dipotong-potong tadi. Abuih sampai masak.
6. Kalau alah masak, angkek Gulai sukun. Gulau sukun alah siap untuak disajian.