Wb/min/Resep: Dendeng Lambok
Dendeng Lambok adolah dendeng yang basah, merupokan makanan khas Minangkanbau. Dalam bahaso Minang kato "lambok" artinyo lembab. Dendeng lambok dibandiang dendeng lainnyo punyo porsi potongan dagiang yang labiah gadang dan posturnyo labiah basah.
Bahan
[edit | edit source]- 1/2 kg dagiang dendeng
- Aia karambia dari 1 butia karambia
- 50 gram lado merah giliang jo 50 gram lado merah nan dibalah-balah
- 10 buah lado setan
- 4 siung bawang merah
- 4 siung bawang putiah
- 2 buah tomat
- 1 rueh jari sipadeh
- 2 rueh langkueh
- 2 lemba daun salam
- 1 sendok teh katumba
- CUko sacukuiknyo
- Kaldu jamua sacukuiknyo
- Garam sacukuiknyo
- Minyak goreng
Caro Mambuek
[edit | edit source]- Siapan sadolah bahan
- Barasiahan dagiang tu karek tipih-tipih
- Haluihan bumbu yang dari bawang putiah 3 siung gadang, sipadeh, katumba, garam
- Abuih dagiang samo aia karambia samo bumbu haluih, tambah langkueh yang alah dipinyakan, daun salam, abuih samo api sadang sampai aia habih
- Giliang kasa lado merah, lado setan, bawang putiah 1 siung, bawang merah, garam, agiah saketek cuko
- Tokok-tokok sakedaryo dagiang yang alah diabuih tadi
- Tumih lado giliang tadi samo tomat irih, lado merah yang alah dibalah jo dibuang inceknyo. Habistu, masuakan aia karambia, aduak, masuakan dagiang, masuakan kaldu jamua, masak sampai maresap.
- Kalau alah masak, angkek dendeng. Dendeng balado siap untuak dihidangkan