Wb/min/Resep: Dendeng Baracik

Dendeng Baracik

dendeng baracik

Bahan dendeng:

• tigo ratuih gram dagiang dendeng, irih agak taba
• sacukuiknyo garam jo micin
• sacukuiknyo minyak tanak
• anam siuang bawang putiah , dialuihan
• sapadeh duo rueh jari, aluihan
• sasendok teh katumbua bubuak
• sabungkuih ketek asam jawa
• sacukuiknyo aia karambia

Bumbu baracik:

• duo buah lado mudo karitiang atau sasuai salero irih manyerong
• ciek buah tomat merah irih tipih
• anam siuang bawang merah
• sasiuang bawang putiah

Caro mambuek:

1. cuci barasiah dagiang galimangan jo bawang putiah giliang, sapadeh giliang, katumbua bubuak,garam,aia asam jawa, tuangan aia karambia, abuih sampai mandidiah dan dagiang ampuak, aia manyusuik hinggo mangariang.
2. sasudah dagiang ampuak, matian kompor, tirihan
3. ambiak batu lado, tokok dagiang dendeng sasuai salero.
4. sasusdah batokok sadoalah dagiang, sisiahan
5. dagiang yang alah batokok bisa di goreang atau dibaka untuak manyajiannyo,
6. kalau di goreng: angekan minyak tanak, jo api ketek. goreng dagiang sasuai salero
7. kalau di baka: olesan minyak tanak ka permukaan dendeng habis tu baka di pambaka yang alah di sadioan.

bumbu baracik :

• tuangan minyak tanak yang angek bekas manggoreang dagiang dendeng ka bahan bumbu baracik,
• salin dendeng baracik ka piriang,
• makan jo nasi angek sabana lamak.