Wb/min/Resep: Choipan

Choipan.

Bahan Kulit :

• 150 gr tapuang tarigu
• 225 gram tapuang tangmien
• 60 ml minyak sayua
• 1,5 geleh aia angek mandidiah(450ml)
• Sacukuiknyo garam
• Sacukuiknyo panyedap

Bahan Isian :

• 1 kabek bengkoang
• 2 sdm ebi halui
• 5 buah bawang merah
• 3 buah bawang putiah
• 1 sdt lada bubuak
• Sacukuiknyo garam
• Sacukuiknyo panyedap

Tambahan :

• 2 sdm Minyak wijen untuak olesan
• Sacukuiknyo bawang putiah goriang

Caro mambuek:

1. Haluikan bawang merah jo bawang putiah. Tumih jo 2 sdm minyak goriang sampai harum. Tambahan ebi nan alah aluih. Tumih lo liak subanta, masuakkan bengkoang nan alah di potong-potong. Tambahan garam, lada, jo panyedap raso.
2. Campuakan tapuang tarigu jo tapuang tangmien ka dalam wadah gadang. Masuakkan garam jo panyedap raso ka aia angek, aduak sampai laruik sudah tu tuang saketek- saketek ka dalam tapuang katiko aia masih angek. Aduak rato kamudian tambahan minyak, sudah tu ulen sampai kalis.
3. Ambiak saketek adonan, kamudian pipihan. Cetak jo cookie cutter, kamudian jan talampau lamo bana di anginkan supayo adonan indak kariang.
4. Isi jo bingkuang tumih, sudah tu lipek lalu ratokan.
5. Kukuih choi pan di aleh jo daun atau karete beking anti lengket. Kukuih salamo 15 minik sampai masak, sabalun diangkek lepoh jo minyak wijen supayo harum.
6. Sajikan jo taburan bawang putiah goriang.