Wb/min/Resep: Bingka Gula Habang Banjar

Bingka Gula Habang Banjar

Bikang Gulo Habang

Bahan Lala'an:

• 250 ml Santan
• 2 sendok makan tapuang tarigu
• 1/2 sendok teh Garam

Bahan karamel:

• tujuah puluah limo gram gulo pasia
• stangah galeh aia angek atau sekitar 100 mili

Bahan bingka:

• 300 gram tapuang tarigu
• sambilan ratuih mili santan
• duo ratuih limo puluah mili gram gulo merah
• tujuah puluah limo gram gulo pasia
• stangah sendok teh garam
• sacukuiknyo minyak goreang, untuak maoles cetakan

Caro mambuek:

1. LALA'AN : buek lala'an talabiah dulu, campuan santan, tapuang tarigu dan garam. masak sampai mengental dan mangaluaan minyak, matian kompor, sisiahan dan dinginkan.
2. KARAMEL : masuakan gulo pasia ka dalam teflon, katiko sabagian gulo pasia mancaia, goyang-goyangan teflon sampai gulo pasia mancaia sadonyo. tuang aia angek saketek saketek, aduak gulo pasia sampai caia sadonyo, sisiahan dan dinginkan.
3. BINGKA: masak gulo merah dan santan sampai mandidiah dan gulo merah mancaia. sambia diaduak taruih supayo santan indak pacah. dinginan, lalu sariang supayo indak ado kotoran dari gulo merah, sisiahan.
4. siapan tampek, campua tapuang tarigu, gulo pasia, garam jo aia abuihan gulo merah dan santan tadi.
5. lalu tambahan karamel, aduak rato. kalau paralu disariang supayo adonan mulus ndak manggumpa.
6. siapan cetakan, sudah tu oles cetakan jo minyak goreang. angekan cetakan jo tutuiknyo di ateh kompor.
7. satalah cetakan sabana bana angek, tuang adonan bingkanyo. tutuik dan biaan hinggo 3/4 masak.
8. satalah 3/4 masak, tambahan lala'an, tutuik baliak dan masak sampai adonan masak.
9. kalau alah masak , kaluaan kue dari cetakan elok-elok, langsuang latakan ka piriang saji. sudah tu karek karek sasuai salero.
10. kue bingka gulo habang alah siap untuak disajian,
11. salamaik mancubo