Wb/min/Resep: Basreng Khas Sunda

Bahan Utamo

• bakso sacukuiknyo
• kok indak ado bakso nan alah jadi, buek adonan bakso talabiah dulu
• 250 gram tapuang bareh
• 50 gram tapuang terigu
• sasendok teh garam
• sasendok teh kaldu bubuak
• sasendok tek bawang putiah bubuak
• sasendok teh merica
• 250 ml aia

Bahan Palangkok

• minyak manih sacukuiknyo untuak manggoreang bakso
• bumbu keju/bumbu balado/bumbu nan sasuai jo salero
• daun jeruk nan diiris (indak wajib)

Basreng

Caro Mambuek

1. potong tipih sadoalah bakso nan alah disadioan (buliah juo kalau indak nio dipotong)
2. kalau ka mambuek adonan bakso surang bisa dimulai jo mancampua sadoalah bahan utamo tadi ka dalam ciek tampek
3. ambiah adonan sacukuiknyo untuak dibulek-bulekan
4. angekan minyak jo api gadang
5. kok minyak lah angek, masuakan bakso bulek atau nan alah dipotong tipih-tipih sabalumnyo
6. wakatu bakso alah dimasuakan ka minyak, ketekan api supayo indak anguih
7. masak agak lamo jo api ketek sambia dikacau-kacau
8. angkek bakso kok lah barubah warnanyo dan alah garing
9. sisiahan sampai minyaknyo kariang
10. kok alah kariang, pindahan basreng ka tampek lain
11. taburi bumbu keju atau bumbu lain nan sasuai jo salero masiang-masiang
12. labiah lamak kalau diagiah irisan daun jeruk