Wb/min/Resep: Bareh Kencur

Jamu Bareh Kencur

Bareh Kencur adolah minuman penyegar khas Jawa. Minuman iko juo digolongkan sabagai ubek herbal karano mampunyoi sipaik maningkekan salero makan. Bareh kencur sangaik populer karano punyo raso nan manih jo segar. Bahan utamo bareh kencur adolah bareh (digiliang) jo kencur.

Bahan

• 1,2 Liter aia
• 125 gram kencur (dikupeh)
• 5 buah jahe gadang (dikupeh dan diparuik)
• 150 gram gulo merah .
• 5 sdm gulo pasia
• Bareh 100 gram .

Caro Mambuek

1. Cuci bareh sampai barasiah, lalu randam dalam aia salamo 3 jam
2. Tiriskan bareh nan alah dirandam, sudah tu panggang bareh sampai kariang
3. Paruik jahe jo kencur .
4. Diabuih aia, masuakan gulo jawa, gulo pasia, kencur, jahe sampai manggalagak. Matikan tungku dan tunggu sampai dingin .
5. Blender bareh nan alah dipanggang, tambahkan aia abuih yang alah dingin
6. Saring bareh nan alah di blender, tambahkan aia nan disariang sampai rebusan tadi
7. Aduak sampai haluih (kompor tatap mati)
8. Indak buliah mamasak rebusan lai sasudah cairan bareh alah ditambahkan .
9. Siap untuak disajikan. Pado suhu ruangan, kuek salamo 24 jam
10. Simpan dalam kulkas salamo 1 minggu .