Wb/min/Lirik: Nasib kabau padati
Nasib kabau padati
[edit | edit source]Panulih lagu: Syahrul Tarun Yusuf; Panyanyi: Elly Kasim
Panek manurun nan jo mandaki
Malaleh kuduak nan dek pasangan
Batanyolah kabau nan ka padati
Jauah kok lai parantian
Di kampuang ka sawah maelo bajak
Pai marantau mairik padati
Kironyo batuka baruak jo cigak
Hiduang ndak lapeh dari tali
Elo tak elo, alah den elo
Pungguang lah habih (ndeh mamak) kanai palacuik
Cobo tak cubo, alah den kao
Ndeh samo sajo, dapek makan panyambuang hiduik
Ondeh …
Nasib bak cando kabau padati
Iyo …
Malang nasibnyo kabau padati