Diseso bayang

Panulih lagu: Agus Taher

Dilaruik malam
Denai lah sansai diseso bayang, ondeh yo malang
Dalam den duduak tamanuang
Dabua ombak baguluang, raso manikam jantuang
Panek manyiram bungo sabatang, malang-malang
Layua dirangguik mande kanduang
Dilaie galak denai nampakkan
Ka Tuhan tangieh denai kadukan

Awan bana indak manenggang
Sadangnyo paneh bagalokkan
Hujan bana nan mangaramkan
Sadingin nangko den babasahkan
Hati dek manangguang ragam
Salaruik nangko mato nan indak talalokkan
Bialah den bajalan
Untuak apo disiko manahan ragam

Dilaruik malam
Denai lah larek maetong untuang jo parasaian
Hujan nan turun dihati
Antah bilo masonyo rado jo taduahnyo
Manapuak aie didulang, malang-malang
Nan basah dado den surang
Angin malam baoklah den tabang
Nak hilang sakiek jo panangguangan