Wb/min/Lirik: Buntiang kuciang
Buntiang Kuciang
[edit | edit source]Panulih lagu: Asben; Dipopulerkan: Asben
Hei … coiko bana mandapek bini si buntiang kuciang
Laki bajalan kok ndak dibaok, inyo berang-berang
Sagalo kandaknyo kok ndak dibari inyo marabo
Apo nan dapek dibaekan ka bakeh lakinyo
Buntiang kuciang kato rang tuo
Sabana manyeso bakeh lakinyo
Kok untuang baiak dapek laki sayang ka inyo
Apo dibueknyo namun lakinyo sayang juo
Kok untuang malang dapek laki urang parabo
Bini manganduang marauang-rauang kanai sipaknyo
Hei … coiko bana mandapek bini si buntiang kuciang
Laki bajalan kok ndak dibaok, inyo berang-berang
Sagalo kandaknyo kok ndak dibari inyo marabo
Apo nan dapek dibaekan ka bakeh lakinyo
Buntiang kuciang kato rang tuo
Sabana manyeso bakeh lakinyo