Wb/jv/Gnu/Linux kanggo Awam/Desktop Manager

Yèn kepéngin gampangé, sinau nganggo Linux luwih kepénak nggatèaké desktop manager sing digunaaké. Desktop manager iki sing njalari komputer siji lan liyané, Linux siji lan liyané, katon béda. Linux ora kaya Windows utawa MacOS sing nduwé tampilan sing tetep. Panjenengan malah bisa gawé tampilan Linux kaya Windows utawa MacOs.

Desktop manager sing kondhang ing jagadé Linux yaiku KDE lan GNOME. Ing mburi desktop manager loro iki ana sawetara desktop manager liyané sing bisa dadi pilihan, ing antarané XFCE, IceWM, WMaker, lan AfterStep.