Wb/jam/Ischri a Jumieka/Prii-Kolombian Jumieka

Riikanschrokshan ah wahn Taino vilij.

Di fos inabitant a Jumieka prabli eh-kom frah ailan tu di hiis ina tuu wiev a maigrieshan. Bout 600 KI di kolcha nuo az di “Redwier piipl” araiv; wi no nuo nof bout dem, ousomeba, muo dah di red pachri deh lef. Aligeta Pan ina Manchesta Parish ah Likl Riva ina Sint An Parish de mongx di hoerlies nuo sait fi demaya Ostionaid piipl, uu eh-lib nier di kuos ah ont-ont fi toerkl ah fish extensivli.

Rong 800 KI deh weh fala bai di Arawakan-piikin Taino, uu ivenchali sekl raichuu di ailan. Fidem ikanami, bies pah fishn ah di koltivieshan a kaan (miez) ah kasaava, sostien az moch az 60,000 piipl ina vilij liid bai kiasiik (chiif).

Di Taino kyaa kom frah Sout Amoerka wah sistim fi riez kasaava (we deh kaal yuka) nuo az "konuko." Fi had nyuuchrient tu di sail, di Taino bon luokal bush ah chrii ah iipop di ashiz ina bofo moun, ah den deh plaa di kasaava kotin in hit.[4] Muos Taino eh-lib ina laaj soerkiula bilding (bohios), kanschok wid ud puol, schraa wiiv, ah paam liif. Di Taino eh-spiik wah Arawak languij ah neh ab no raitn. Som a di woddem deh yuuz, laka barbacoa ("babikiu"), hamaca ("amok"), kanoa ("kunu"), tabaco ("tubako"), yuca, batata ("swiit pitieta"), ah juracán ("orikien"), sens ingkaapariet ina Patwa azwel Panish ah Ingglish.