Wb/jam/Ischri a Jumieka/Inchadokshan

From Wikimedia Incubator
< Wb‎ | jam‎ | Ischri a JumiekaWb > jam > Ischri a Jumieka > Inchadokshan
Jump to navigation Jump to search

Di ailan a Jumieka weh-kalanaiz bai di Taino chraibdem praya tu di araival a Kolombos ina 1494. Di Panish insliev di Taino, uu weh so ravij bai deh kanflik wid di Yuropiyandem ah bai farin diziiz dat nieli di wuola nietiv papilieshan extingk bai 1600. Di Panish azwel chanspuot onjrid pah onjrid a insliev Wes Afrikan kom a di ailan.

Ina 1655, di Ingglish invied Jumieka, ah difiit di Panish kalanisdem. Di insliev Afrikandem siiz di muoment a palitikal toermail ah flii gaa di intiiria a di ailan, fi faam soh indipendant komiuniti (nuo az di Maruundem). Miintaim, pah di kuos, di Ingglish bil di seklment a Puot Rayal, we bikomz di bies a aparieshan fi pairet ah praivitier, ingkluudn Kiaptin Enri Maagan.

Ina di ietiint senchri, shugakien riplies pairisi az Ingglish Jumieka mien suos a ingkom. Di shuga indoschri weh lieba-intensiv ah di Ingglish kyaa onjrid a touzn a insliev Afrikan kom a Jumieka, so dat bai 1800 blak Jumiekan outnomba wait bai wah riesho a tuenti tu wan. Insliev Jumiekan mount uoba a dozn mieja opraizin juurin di ietiint senchri, ingkluudn Taki rivuolt ina 1760. Nof piiriadik skoermish tek plies bitwiin di British ah di Maruun, we kolminiet ina di Fos Maruun Waar a di 1730z ah di Sekan Maruun Waar a di 1790z.