Wb/bcl/Luto:Hopia

Hopiang ube

An hopia sarong popular na tinapay na garo mamon na may palaman nin munggo, ube o taba nin urig na pig-introdusir kan mga imigranteng taga-Fuji sa mga sentro kan syudad kan Indonesya asin Filipinas kan mga nakaaging siglo. Sarong paboritong pasalubong para sa mga pamilya, mga katood asin mga paryentes na lakop na makukua dawa sain.

Mga sangkap

• 1 tasang pulang munggo
• 3/4 tasang asukar
• 1/4 tasang kondensadang gatas, opsyonal
• 1/4 tasang harina
• 1 tasang harina para sa inot na masa
• 1 kutsara nin asukar na tinunaw sa 1/4 na tasang tubig, para sa inot na masa
• 1/4 tasang pampa-alsa o mantika, para sa inot na masa
• 1/8 kutsaritang asin para sa inot na masa
• 1/2 tasa nin harina para sa ikaduwang masa
• 1/4 tasang pampa-alsa o mantika, para sa ikaduwang masa
• 1 katamtaman na pakadakulang sugok na piglasaw sa 1/4 na tasang tubig

Pag-adam

Hopia sa Baliuag, Bulacan

1. Tanganing makagibo nin palaman na munggo: Ibabad an mga pisog nin munggo nin mag-aga. Hugasan asin ibalyo sa sarong kaldero. Magdagdag nin tamang tubig tanganing masanop dangan pakalagakalaan. Pakalagakalaan sagkod na an mga pisog magpoon nang maglumoy. Paluyahon an init sagkod na maluto idtong an tubig hanggan sa mag-ina an tubig sagkod sa itaas na sana kan mga pisog. Idagdag an asukar asin padagos sagkod na magbuskad. Ibalyo sa sarong blender o stand mixer. Iproseso sagkod na ini magin sarama asin pino. Ibalik ini sa kaldero mantang pinapakalayohan. Idagdag an kondensadang asin harina. Lutoon mantang padagos na pighahalo sagkod na ini magin mahibog na pasta. Itagama tanganing maglipot.
2. Gibohon an inot na masa: Haloon an harina, tinunaw na asukar, pagpa-alsa, asin asin. Magdagdag nin tubig kun kaipuhan mantang minamasa tanganing magin sarong bola nin masa. Itagama sa sarong mangko asin lukdoan nin basang tela.
3. Gibohon an ikaduwang masa: Ihalo an harina asin pampa-alsa sa sarong mangko gamit an mga kamot sagkod na an pinaghalo magin sarong makinis na bola.
4. Tanganing makagibo nin hopia: Pantayon an inot na masa gamit an sarong rolling pin asin pormahon sa sarong rektanggulo na mga 10 x 12 pulgada (25 x 30 cm) an lakbang. Itagama. Irolyo asin patagon an ikaduwang masa sa plastik na patos. Ini dapat na magsukol nin 1/3 kan Misa 1 (mga 3.33 x 4 pulgada o 8.5 x 10 cm). Ibugtak an ikaduwang masa sa ibabaw asin sa tahaw kan inot na masa. Pagsararoon an duwang masa gamit an Letter fold (aka triple-fold o book fold): Tiklupon an sarong lado kan inot na masa sa ibabaw kan ikaduwang masa dangan gibohon man an pareho sa ibong na lado. (An ikaduwang masadapat igwa nin duwang patong nin inot na masa sa ibabaw.)
5. Irolyo asin patagon an pinagsararong mas asin gibohon giraray na sarong dakulang rektanggulo. Gamiton giraray an Letter fold. Utruhon an prosesong ini nin saro pang beses. Pahingaloon an masa sa laog nin 5 minutos pagkatapos kan huring tiklop. Tahoban an masa mantang pinapahingaloan.
6. Irolyo giraray an masa sa sarong rektanggulo dangan putolon ini sa duwang pahigda. Rolyohon asin pormahon an lambang masa sa sarong mahiwas na silindro. Gamiton an kutsilyo tanganing putolon asin bangaon an mga rolyo sa 12 pantay na bilog kada saro.
7. Tanganing mapalamanan an masa: Ibugtak an sarong bilog na pinutol na lado pababa asin patagon. Magkua nin sarong kutsara kan palaman sa tahaw. Butongon an mga gilid kan masa paitaas asin sa ibabaw tanganing matahoban an palaman. Selyohan. Pormahon an hopia sa paagi nin pagbugtak kaini sa laog nin sadit na bilog na pamputol o cookie cutter. Doonan tanganing mabilog an hopia asin tanganing maselyohan an ibabaw. Otrohon sa natatadang masa asin palaman.
8. Kun andam nang lutoon, ibugtak an naporma nang hopia sa sarong baking sheet na may hapin na baking paper (parchment paper). Otrohon an proseso sagkod na mapano an baking sheet. Pahidan an ibabaw kan lambang hopia nin sugok na pampahid. Magluto sa sarong preheated oven sa 180 degrees C o 350 degrees F sa laog nin 15 sagkod 20 minutos. Haleon sa horno asin pabayaan na maglipot.