Wb/bcl/Luto:Balisoso
An balisòsô sarong mahamis na pagkakan gibo sa giniling na kamoteng kahoy o pulotan na bagas na pinatos sa dahon nin batag.
Mga sangkap
[edit | edit source]Ini an proporsyon: Sa sarong kilong harinang pulotan, gamitan tolong kilong kinodkod na lukadon saka sarong kilong asukar. Kun harinang balinghoy an sangkap, sarong kilo man an gamiton.
Pag-andam
[edit | edit source]- An pulotan ginigiling na magin harina.
- Tapos makodkod nin niyog na lukadon.
- Rinaramas an duwa saka hinahamisan nin asukar o sangkaka na tinunaw.
- An ramas na ini ikinakaag sa linobloban na dahonbatag. Parati an patos na dahon pinupurmang balisòsô (trianggulo).
- Pag nagkaparatos na ini, ikaag sa kaldero, kaagan tubig na kabanga' sana (bakong lantop) saka làbonan.
- Importanteng aloyooy sana an kalayo. Kun makusog an kalayo (agabaab), naaati tolos an tubig pero malagtok pa an balisòsô.
- Halaton na maglomoy.