User talk:Thimmappavk

From Wikimedia Incubator

ಡಾ .ಸಂಜೀವ ದಂಡಕೇರಿ[edit source]

ಪರಶುರಾಮನ ಕುಡರಿಡ್ ಪುಟ್ಟಿನ ತುಳುನಾಡ್,ಆಂಚನೆ ದಾನೆ ಪೊಣ್ಣೆ ನಿನ್ನ ಮನಸೆಂಕ್ ತೆರಿಯಂದೆ ಪೋ ವಾ? ಈ ಪದೊಕುಲೆನ್ ಕೇನ೦ದಿನ ತುಳುವೆರಿಜ್ಜೆರ್ .ಉಂದು ಬಯ್ಯ ಮಲ್ಲಿಗೆ ಬೊಕ್ಕ ಬೊಳ್ಳಿದೋಟ ಸಿನೇಮದ ಪದೊಕುಲು . "ರಂಗ ಮಲ್ಲಿಗೆ"ಬೊಕ್ಕ "ರಂಗ ಸೌರಭ "ಪನ್ಪಿನ ರಡ್ಡ್ ಬಿರ್ದ್ ನ್ ಪಡೆದ್ ತುಳು ರಂಗ ಭೂಮಿಡ್ ಬೆಂದಿನಾರ್ ತುಳುನಾಡ್ ದ ಪೆರ್ಮೆ ದ ಕಲಾವಿದೆ ಬೊಕ್ಕನಿರ್ದೇಶಕೆ ಡಾ .ಸಂಜೀವ ದಂಡಕೇರಿ. ಬಯ್ಯ ಮಲ್ಲಿಗೆ ನಾಟಕದ ಮೂಲಕ ಮಿತ್ತ್ ಬತ್ತಿನ ಮೇರ್ ,ಯಶಸ್ವಿ ನಿರ್ದೇಶಕೆ ಲಾ ಅಂದ್ . ಬಯ್ಯ ಮಲ್ಲಿಗೆ ನಾಟಕ ಕರಿನ ನಲ್ಪ ಒರ್ಸೊರ್ ದಿ೦ಚಿ ದೇಸೊ ಬೊಕ್ಕ ಪಿದಾಯಿ ದೇಸೊಡು ಸುಮಾರ್ ಇರ್ವತ್ತಾಜಿ ಸಾರ ಪ್ರದರ್ಶನವಾದ್ ಮಲ್ಲ ದಾಖಲೇನೆ ಕಟ್ಟದ್ ಬುಡುಂಡು . ನೆನ್ನ ಒಟ್ಟುಗೆ ಈ ನಾಟಕ ಕನ್ನಡ ,ಮರಾಠಿ ,ಇಂಗ್ಲೀಷ್ ಐನೊಟ್ಟುಗೆ ಕೊಂಕಣಿಡ್ ಸಂಜೆ ಚೊಕಳೊ ರಂಗ ಭೂಮಿಡ್ ಭಾಷಾಂತರವಾಂಡ್ . 1977 ಡ್ ಶ್ರೀ ಜಯರಾಮ್ ಫಿಲ್ಮ್ ಬ್ಯಾನರ್ದ ಅಡಿಟ್ "ಬೊಳ್ಳಿ ದೋಟ "ಸಿನೆಮ ಬುಡುಗಡೆ ಆಂಡ್ . ಕುಡ್ಲದ ಜ್ಯೋತಿ ಮತ್ತು ರಾಮಕಾಂತಿ ಚಿತ್ರಮಂದಿರಡ್ ಒರೊನೆ ಬುಡುಗಡೆ ಯಾದ್ ತುಳುವೆರೆನ ದಿಂಜ ದಿನದ ಸಿನೇಮ ತೂಪಿನ ಕಣ ದೂರ ಆಂಡ್ . ಬಯ್ಯ ಮಲ್ಲಿಗೆ ಸಿನೇಮ ಡ್ ಮಿತ್ತ್ ಬತ್ತಿನಾಂಡಲಾ 1962 ಟ್ ಸುರುಕು ಬರೆಯಿನ ನಾಟಕ "ಕಲ್ಪಂದಿ ತಿಮ್ಮೆ ". ಶ್ರೀ ಡಾ .ಸಂಜೀವ ದಂಡಕೇರಿ ಮೇರ್ ಬರೆಯಿನ ನನಾತ್ ನಟಕೊಲು ಪಂಡ ಚಂದ್ರಿಕಾ , ಮಸಣದ ಮನೆ, ವಿಧಿಲೀಲೆ, ಒಂಜೇ ಕರ್ಲ್, ದುಡ್ದುದ ಮಾರ್ಲ್ ,ಅಕ್ಕಾ ,ಮಲ್ಲಾಯಮಗೆ ,ಪೊಣ್ಣ ಜನ್ಮ ,ಮೆಗ್ಡಿ ಪಾಲಿ,ದಲಾಲಿ ದಾಸು ಪುನರ್ಜನ್ಮ ,ಬಯ್ಯಮಲ್ಲಿಗೆ ,ಕಾವೇರಿ ,ಕೋರ್ಟು ತೀರ್ಪು ,ಅಮ್ಮಾ ,ಬೊಳ್ಳಿ ಮೂಡುಂಡು, ಪುಣ್ಣಮೆ ,ಪಾದಕಾಣಿಕೆ ,ಪೂ ಪನ್ನೀರ್, ಪೂ ಮುಳ್ಳು ,ಸರಸ್ವತಿ ,ಪಾಪ ಪುಣ್ಯ ,ಗಂಗಾ-ರಾಮ್ ,ರಾಧ -ಕೃಷ್ಣ ಇಂಚಿತ್ತಿನವು . ಮೇರ್ ಕಾಲೇಜಿ ಬರವುನು ಕುಡ್ಲದ ಪಡುವ ಡ್ ಮುಗಿತ್ ದ್ ಬೊಕ್ಕ ಉಡುಪಿದ ಆಯುರ್ವೇದ ಕಾಲೇಜಿಡ್ ಸೀಕ್ ಸಂಕಟ ದ ಬಗೆಟ್ ದಿಂಜ ಓದ್ಯೆರ್ . ಬುಕ್ಕೊಂಜಿ ಇಸ್ಯ ದಾದ ಪಂಡ ಮೇರ್ ನ ಪುದರ್ ದೊಟ್ಟುಗೆ “ದಂಡಕೇರಿ” ಪನ್ಪಿನ ಪುದರ್ ಲಾ ಒರಿದ್೦ಡ್ . ಉಂಡು ದಲ ಆರ್ನ ಗುಟ್ಟು ಬರ್ಕೆದ ಪುದರತ್ತ್ ,ದುಂಬು ಕುಲಶೇಖರ ಜಾಗೆಡ್ ಶೇಖರ ಪನ್ಪಿನ ಪುದರ್ ದ ಮಲ್ಲ ರಾಜೆ ಆಲೊಂದಿತ್ತೆ ಆ ಪೊರ್ತುಡು ಈ ರಾಜನ್ ಸೋಲ್ಪವಾರ ಬೊಡಾದ್ ಬೇತೆ ರಾಜೇರ್ ಯೆಯ್ಯಾಡಿ ದ ಕೈತಲ್ ದಂಡು ಊರ್ದ್ ದಿಂಜ ದಿನ ಇತ್ತೆರ್ .ಈ ಕಾರಣಗಾದೆ ದಂಡಕೇರಿ ಪಂಪಿನ ಪುದರ್ ಬತ್ತಂಡ್ ಅಂಚಾದ್ ನಮ್ಮ ಸಂಜೀವ ಪಂಪಿನ ಪುದರ್ ದೊಟ್ಟುಗೆ ಸೆರೊನ್೦ಡ್ . ಇತ್ತೇ ಮೇರ್ ಒವ್ವೇ ರೀತಿದ ಸಿನೇಮಾ ಮಲ್ಪರ ಪಿದಾಡ್ ದಿಜೆರ್ . ಪೊಸ ಕಲಾವಿದೆರ್ನ ಸಿನೇಮಾ ತೂದ್ ಅಕ್ಲೆಗ್ ಬೆರಿ ಬೊಟ್ಟೊ೦ದುಲ್ಲೆರ್ . ಮೇರ್ ಮಲ್ತಿನ ಬಯ್ಯಮಲ್ಲಿಗೆ ಸಿನೇಮಾ ದ ರೀಲ್ ನ್ ಒರಿತೊನರ ಸಾಧ್ಯ ಆತ್ ಜಿ ಆಂಡ ಬೊಳ್ಳಿ ದೋಟ ಸಿನೇಮಾದ ರೀಲ್ ಪುನ್ಯಡ್ ಓರಿತ್೦ಡ್ ಅಂಚಾದ್ ಈ ಸಿನೆಮಾನ್ ಕುಡ ಚಿತ್ರೀಕರಣ ಮಲ್ತದ್ ಒಂಜಿ ದಾಖಲೆ ಗಾದ್ ದೀಪಿನಂಚಿನ ಬೀಲೆಗ್ ಕೈ ಪಾಡ್ದೆರ್ . ಬೊಳ್ಳಿ ದೋಟ ಸಿನೆಮಾದ ಪದೊಕುಲು ರೆಕಾರ್ಡಿಂಗ್ ಆತಿನಿ ಮೆಡ್ರಾಸ್ ಡ್. ದಾನೆ ಪೊಣ್ಣೆ ಪನ್ಪಿನ ಪದೊತ ಸಂಗೀತ ಕೇಂದ್ ಅಲ್ಪದ ಸ್ಟುಡಿಯೋ ಡ್ ಇತ್ತಿನ ತಮಿಳು ಬೊಕ್ಕ ತೆಲುಗು ಸಿನೆಮಾದ ಸಂಗೀತ ನಿರ್ದೇಶಕೆರ್ ಉಂಡು ಕೇರಳ ದ ಸಂಗೀತ ನಿರ್ದೇಶಕೆರ ಪಂದ್ ಕೆಂಡೆರ್ . ಆಂಡ ಸುರುಟು ಸರ್ತಿಗ್ ಅವು ಕುಡ್ಲದ ಅಶೋಕ್ ಚರಣ್ ಸಂಗೀತ ಪನ್ನಗ ಅಕ್ಲೆಗ್ ಅಚ್ಚರಿ ಆದಿತ್ತ್ ೦ಡ್ . ಈ ಪದೊಕು ನಮ್ಮ ರಂಗ ಮಲ್ಲಿಗೆಲಾ ಪೊರ್ಲುಡೆ ಪಜ್ಜೆ ಪಾಡ್ದೆರ್ . ಈ ಪದ ಎಡ್ಡೆ ಪುಗರ್ತೆ ನ್ ಲಾ ಪಡೆ೦ಡ್ ಡಾ .ಸಂಜೀವ ದಂಡಕೇರಿ ಇತ್ತೇ ದಾದ ಮಲ್ತೊಂದುಲ್ಲೆರ್ ಪನ್ಪಿನವು ದಿಂಜ ಜನತ ಪ್ರಶ್ನೆ . ಮೇರ್ ಇತ್ತೇ ಪೊಸ ನಾಟಕ ಬರೆವಂತೆ ಇತ್ತೆರ್ ನ್೦ಡಲಾ ಅಕಾಡೆಮಿದ ಲೇಸ್ ಲೇಡ್ ಪಾಲ್ ಪಡೆ ವೊ೦ದುಲ್ಲೆರ್ .ಅಂಚನೆ ಕಾಂಡೆ ಬೇತೆ ಬೇಲೆಡ್ ಇತ್ತೆರ್೦ಡ ಲಾ ಮಧ್ಯಾಹ್ನ ರ್ದ್ ಬೊಕ್ಕ ಬಿಕರ್ನ ಕಟ್ಟೆ ಡ್ ತನ್ನ ಕ್ಲೀನಿಕ್ ಇಪ್ಪುವೆರ್ . ಮೇರ್ ಮಲ್ತಿನ ಕಲಾರಂಗದ ಸೇವೆಗಾದ್ ದಿಂಜ ಮಾನದಿಗೆ ಸಂದ್ ದ್ ೦ಡ್ 2002 ಟ್ .ಕರ್ನಾಟಕ ರಾಜ್ಯ ತುಳು ಸಾಹಿತ್ಯ ಅಕಾಡಮಿ ಪ್ರಶಸ್ತಿ , 2004ಟ್ ಸರ್ . ಎಂ ವಿಶ್ವೇಶ್ವರಯ್ಯ ಪ್ರಶಸ್ತಿ , 2004ಟ್ ಕೊಡೊಂಜಿ ಕುವೆಂಪು ವಿಶ್ವರತ್ನ ಪ್ರಶಸ್ತಿ,2005 ಡ್ ವಿ ಶ್ವ ಕನ್ನಡ ಸಂಸ್ಕೃತಿ ಸಮ್ಮೇಳನ ಸಿಂಗಾಪುರಡ್ ನಡತಿನ ಪೊರ್ತುಡು ಅಂತರ್ ರಾಷ್ಟ್ರೀಯ ಗ್ಲೋಬಲ್ ಮ್ಯಾನ್ ಎವಾರ್ಡ್,ಚಿತ್ರ ಭಾರತಿ 35 ನೇ ಚಿತ್ರೋತ್ಸವ ಪ್ರಶಸ್ತಿ, ಬುದ್ದ ಶಾಂತಿ ಪ್ರಶಸ್ತಿ,2007ಡ್ ತೌಳವ ಪ್ರಶಸ್ತಿ ಕುಡ್ಲ ಡ್ ಪ್ರಾಧಾನ ಆಂಡ್ . ಅಪಗದ ಪನವುದ ಸಚಿವೆರಾಯಿನ ಶ್ರೀ ಬಿ ಜನಾರ್ಧನ ಪೂಜಾರಿ ಮೇರ್ ನ ಕೈಡ್ದ್ ಕುಡ್ಲದ ಪುರಭವನಡ್ “ರಂಗ ಮಲ್ಲಿಗೆ‘ ಬಿರ್ದ್ ನ್ 19-8-2001 ದಾನಿ ಪಡೆಯೇರ್ . ಅಂಚನೆ "ರಂಗಸೌರಭ " ಬಿರ್ದ್ ನ್ ಕರ್ನಾಟಕ ವಿಧಾನ ಸಭಾಪತಿ ಮಾನ್ಯ ಬಿ . ಎಲ್ ಶಂಕರ್ ಬೊಕ್ಕ ಚಲನ ಚಿತ್ರ ನಟೆ ಶ್ರೀ ಅಶ್ವತ್ ಮೇರ್ ನ ಉಪಸ್ಥಿತಿಡ್ ಪುರಭವನಡ್ 31-3-2002 ದಾನಿ ಪಡೆಯೇರ್ . ತುಳು ರಂಗಭೂಮಿ ದಂಚಿ ತಿರರ್ಗ್ ದ್ ತೂನಗ ಡಾ .ಸಂಜೀವ ದಂಡಕೇರಿನ ಪುದರ್ ನೆಗೆತ್ ತೋಜುಂಡು .

ಕುಲೆತ ಮದಿಮೆ[edit source]

ಕುಲೆತ ಮದಿಮೆ ನಮ್ಮ ತುಳುನಾಡ್ ಡ್ ಇಸೆಸವಾದ್ ನಡಪುನ ಮದಿಮೆ ಸೈತಿನ ಆನ್ ಪೊಣ್ಣೂ ಲೆನ್ ಸಂಪ್ರದಾಯದ ಪ್ರಕಾರ ಒಂಜಿ ಮಲ್ಪುನ.ಲೇಸ್

ಅ೦ರ್ಬುಚಿ[edit source]

ಈ ಸಬ್ದೊನು ಕೇನ್ನಗನೆ ಇಸೇಸೊ ಆಪುಂಡತ್ತೆ ?ಸುಳ್ಯ ಬೊಕ್ಕ ಪುತ್ತೂರುದಂಜಿ ಈ ಸಬ್ದೊ ಗಳಸೊ೦ದುಲ್ಲೆರ್ . ಅ೦ರ್ಬುಚಿ ಪಂಡ ಇಲ್ಲಡ್ ಎಲ್ಯ ಮಟ್ಟ್ ದ ಮುಂಚಿ ಅರೆಪೆರೆ ಬೊಕ್ಕ ಉಪ್ಪು ಪೊಡಿಮಲ್ಪೆರೆ ಉಪಯೋಗ ಮಲ್ಪಿನಂಚಿನ ಒಂಜಿ ಮರತ ವಸ್ತು . ಒಂತೆ ದೋಸೆದ ಕವಲಿದಲೆಕ್ಕನೇ ಉಪ್ಪುಂಡು . ಬೊಕ್ಕ ಇಲ್ಲಡ್ ಹಿರಿಯೆರ್ ಬೊಕ್ಕ ಕಿರಿಯೆರ್ ತೀರ್ ಪೋದು ಇತ್ತ್ಂಡ ಕುಲೆಕ್ಲೆಗ್ ಪಂದ್ ಈ ಅ೦ರ್ಬುಚಿ ಡ್ ನುಪ್ಪು ಕಜಿಪು ಬೊಕ್ಕ ಎಡ್ಡೆ೦ತಿನ ತಿನಸ್ಲೆನ್ ದೀಪೆರ್

ಡಾ.ಲಕ್ಷ್ಮೀ ಜಿ ಪ್ರಸಾದ್[edit source]

ತುಳು ಸಂಸ್ಕೃತಿದ ಬಗೆಟ್ ರಡ್ಡ್ ಡಾಕ್ಟರೇಟ್ ಪಡೆಯಿನ ಸುರುತ ಪೊಂಜೊವು. ಕನ್ನಡಡ್ ಎಂ.ಎ ಐನ ಒಟ್ಟುಗೆ ,ಹಿ೦ದಿಡ್ ಎ೦. ಎ ,ಸ೦ಸ್ಕೃತ ಡ್ ಎ೦. ಎ ಇಂಚ ಮೂಜಿ ಎ೦. ಎ ಮಲ್ತಿನಾರ್ ತುಳುನಾಡ್ ದ ಬೂತಲೆನ ಬಗೆಟ್ ಮಲ್ಲ ಮಟ್ಟ್ ದ ಅಧ್ಯಯನ ಮಲ್ತಿನಾರ್ .ಅಂಚಾದ್ -ಭೂತಗಳ ಅದ್ಭುತ ಜಗತ್ತು ಪನ್ಪಿನ ಬ್ಲಾಗ್ ಡ್ ಮಾತ ಇಸಯಲಾ ಉಂಡು.

ಡಾ.ಲಕ್ಷ್ಮೀ ಜಿ ಪ್ರಸಾದ್ ಬರೆಯಿನ ಬೂಕುಲು ೧.ಅರಿವಿನ೦ಗಳದ ಸುತ್ತ(ಶೈಕ್ಷಣಿಕ ಬರಹಗಳು) ೨. ಮನೆಯ೦ಗಳದಿ ಹೂ(ಕಥಾಸಂಕಲನ) ೩.ದೈವಿಕ ಕ೦ಬಳ(ತುಳು ಜಾನಪದ ಸಂಶೋದನೆ) ೪.ಕಂಬಳ ಕೋರಿ ನೇಮ(ತುಳು ಜಾನಪದ ಸಂಶೋದನೆ) ೫.ತುಂಡು ಭೂತಗಳು-ಒಂದು ಅಧ್ಯಯನ(ಸಂಶೋದನೆ) ೬.ಕನ್ನಡ-ತುಳು ಜನಪದ ಕಾವ್ಯಗಳಲ್ಲಿ ಸಮಾನ ಆಶಯಗಳು(ತೌಲನಿಕ ಅಧ್ಯಯನ) ೭.ತುಳು ಪಾಡ್ದನಗಳಲ್ಲಿ ಸ್ತ್ರೀ(ಸಂಶೋಧನಾತ್ಮಕ ಅಧ್ಯಯನ) ೮.ಪಾಡ್ದನ ಸಂಪುಟ(ಸಂಪಾದನೆ) ೯.ತುಳುವ ಸಂಸ್ಕಾರಗಳು ಮತ್ತು ವೃತ್ತಿಗಳು(ಸಂಸ್ಕೃತಿ ಶೋಧನೆ) ೧೦.ತುಳುನಾಡಿನ ಅಪೂರ್ವ ಭೂತಗಳು(ಸಂಶೋಧನೆ) ೧೧.ಬೆಳಕಿನೆಡೆಗೆ(ಸಂಶೋಧನಾ ಲೇಖನಗಳು) ೧೨.ತುಳು ಜನಪದ ಕವಿತೆಗಳು(ಸಂಪಾದನೆ) ೧೩.ಚಂದಬಾರಿ ರಾಧೆ ಗೋಪಾಲ ಮತ್ತು ಇತರ ಅಪೂರ್ವ ಪಾಡ್ದನಗಳು(ಸಂಪಾದನೆ) ೧೪.ಬಂಗ್ಲೆ ಗುಡ್ಡೆ ಸಣ್ಣಕ್ಕನ ಮೌಖಿಕ ಸಾಹಿತ್ಯ ೧೫.ಶಾರದಾ ಜಿ ಬಂಗೇರರ ಮೌಖಿಕ ಸಾಹಿತ್ಯ ೧೬.ತುಳು ಜನಪದ ಕಾವ್ಯಗಳಲ್ಲಿ ಕಾವ್ಯ ತತ್ವಗಳು ೧೭.ಬಸ್ತರ್ ಜಾನಪದ ಸಾಹಿತ್ಯ * ೧೮.ಸುಬ್ಬಿ ಇಂಗ್ಲೀಷ್ ಕಲ್ತದು(ಮಹಿಳೆ ಬರೆದ ಮೊದಲ ಹವಿಗನ್ನಡ ನಾಟಕ) ೧೯.ಭೂತಗಳ ಅದ್ಭುತ ಜಗತ್ತು ೨೦.ತುಳುನಾಡಿನ ನಾಗಬ್ರಹ್ಮ ಮತ್ತು ಕಂಬಳ?ಒಂದು ವಿಶ್ಲೇಷಣಾತ್ಮಕ ಅಧ್ಯಯನ.