User:Yashoda Kudla

ಕರಾವಳಿ ಕರ್ನಾಟಕೊಡು ಬರವುದ ಪೊಂಜೊವುಲು

ಸರಸ್ವತಿ ಬಾಯಿ ರಾಜವಾಡೆ:- ೧೯೧೩ ಒಕ್ಟೋಬರ್ ೩ನೇ ತಾರೀಕ್ಗ್ ಒಡಿಪುದ ಕೈತಲ್ದ ಬಳಂಜಾಲ ಪನ್ಪಿನ ಗ್ರಾಮೊಡು ಪುಟ್ಯೆರ್. ಎಲ್ಯ ಪ್ರಾಯೊಡೆ ಅಮ್ಮೆರೆನ್ ಕಲೆಯೊಂದು ಬಾರೀ ಬಂಗೊಡು ಬುಲೆಯೆರ್. ಪದಿನಾಲ್ ವರ್ಸ ಆನಗ ಅರೆರ್ದ್ ಪ್ರಾಯೊಗು ಮಸ್ತ್ ಹಿರಿಯೆರಾಯಿನ ಸಿ.ಟಿ.ವಿ.ರಾಯಶಾಸ್ತ್ರಿ ರಾಜವಾಡೆನ್ ಮದ್ಮೇದ್ ಸಿಂಗಪುರೊಗು ಪೋಯೆರ್.ಅವುಲು ಇಲ್ಲಡೆ ಕುಲೊಂದು ಸೊಂತ ಪ್ರಯತ್ನೊಡು ತಮಿಳು ಬಾಸೆನ್ ಕಲ್ತ್ದ್ ತಮಿಳುಡ್ ಕತೆ ಬರೆದ್ ಇನಾಮು ಗೆಂದ್ಯೆರ್. ಕಂಡನಿ ತೀರಿಬೊಕ್ಕ ಒಡಿಪುಗು ಬತ್ತಿನಾರ್ `ಸುಪ್ರಭಾತ' ಪನ್ಪಿನ ಕನ್ನಡ ಬಾಸೆದ ತಿಂಗೊಲ್ದ ಪತ್ರಿಕೆನ್ ಸಂಪೊಲ್ತೆರ್. ಐಟ್ ತುಳುನಾಡ್ದ ಮಸ್ತ್ ಪೊಂಜೊವುಲು ಕತೆ, ಲೇಖನೊಲೆನ್ ಬರೆವೊಂದಿತ್ತೆರ್.`ಗಿರಿಬಾಲೆ' ಪನ್ಪಿನವು ಆರ್ನ ಕಾವ್ಯನಾಮ ಆದಿತ್ತ್ಂಡ್. ಅವ್ವತ್ತಂದೆ ಆರ್ ಆರ್ನ ಪತ್ರಿಕೆಲೆಡ್ `ವಿಶಾಖ' `ವೀಣಾಪಾಣಿ' ಪನ್ಪಿನ ಪುದರ್ಲೆಡ್ಲ ಬರೆಯೊಂದಿತ್ತೆರ್. ಆರ್ ಸುಮಾರ್ ಕತೆ, ಪದೊಕುಲು, ನಾಟಕ, ಲೇಖೊನುಲು ಇಂಚ ಬೇತೆ ಬೇತೆ ನಮುನೆದ ಬರವುಲೆನ್ ಬರೆತೆರ್. ಆರ್ ಬರೆತಿನ ಕತೆಕುಲು:-

ಆಹತ ಹೃದಯ
ಪ್ರತೀಕಾರ
ಅವಳ ಉದ್ಧಾರ
ಪ್ರವಾಹ ಪತಿತೆ

ನಾಟಕ:- ಮಂಥರೆಯ ಅಂತರಂಗ.

ಚಂದ್ರಭಾಗಿ ರೈ:-

ಲೇಖಕಿ, ಕಬಿ, ಬೊಕ್ಕ ಚಿಂತಕಿ. ೧೯೧೬ನೇ ಇಸವಿಡ್ ಬಂಟ್ವಾಳ ತಾಲೂಕ್ದ ಅನಂತಾಡಿ ಗ್ರಾಮದ 'ಏರ್ಯ' ಪನ್ಪಿನ ಊರುಡ್ ಪುಟ್ಟಿಯೆರ್. ಮೇರ್ 'ಸರ್ವೋದಯ್' 'ಜ್ಯೋತಿ', 'ನವಭಾರತಯುಗ','ರಾಯಭಾರಿ' 'ಪ್ರಪಂಚ' ಪನ್ಪಿನ ಪತ್ರಿಕೆಲೆಡ್ ಲೇಖನೊಲೆನ್ ಬರೆವೊಂದಿತ್ತೆರ್. ತುಲುಟು ಕಬಿತೆ ಬರೆತಿನ ಸುರೂತ ಪೊಂಜೊವು ಮೇರ್.

ಕಬಿತೆಲು:

ಗಾಂಧಿ ಕಬಿತೆ
ಪುಣ್ಣಮೆ
ಪೊರ್ಲೆ ಪೊರ್ಲು

ಬೆಂಗಳೂರುಡು ನಡತಿನ ತುಳು ಸಮ್ಮೇಳನೊಡು `ತೂದು ಮುಗಿಯಂದ್' ಪನ್ಪಿನ ಕಬಿತೆನ್ ಓದ್ದೆರ್.