User:Vamana Nandavara
ಎನ್ನ ಪುದರ್ ಡಾ.ವಾಮನ ನಂದಾವರ. ಎನ್ನ ಊರು ಬಂಟ್ವಾಳ ತಾಲೂಕುದ ನಂದಾವರ. ಅವು ಅಪ್ಪೆಯಿಲ್ಲ್. ಆಮ್ಮೆರೆಯಿಲ‍್ಲ್ ಬಾರೆಪುಣಿ.ಇತ್ತೆ ಯಾನ್ ಕುಡಲಡ್ ಉಲ್ಲೆ. ದೇರೆಬಯಿಲ್ ಗೆರಮೊದ ಲೋಹಿತನಗರದ ೫ನನೇ ಅಡ್ಡರಸ್ತೆದ ದೃಶ್ಯ ಇಲ್ಲ್.. ಯಾನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಗುರ್ಕಾರೆ.ಎನ್ನ'ಕೋಟಿಚೆನ್ನಯ ಜಾನಪದೀಯ ಅಧ್ಯಯನ'ಪನ್ಪಿ ಸಂಶೋಧನ ಪ್ರಬಂಧ ಕನ್ನಡ ಬೊಕ್ಕ ಇಂಗ್ಲಿಷ್ ಭಾಷೆಡ್ ಗ್ರಂಥ ರೂಪೊಡು ಪ್ರಕಟ ಆತ್ಂಡ್.ಯಾನ್ ಇರ್ವೊಡ್ದ್ ಎಚ್ಚಿಗೆ ಬೂಕುಲೆನ್ ಬರೆದ್ ಪ್ರಕಟ ಮಲ್ದೆ. ಆತೇ ಸಂಖ್ಯೆಡ್ ಗ್ರಂತೊಲೆನ್ ಸಂಪಾದನೆ ಮಲ್ದೆ. ಯಾನ್ ಇತ್ತೆ ನಿವೃತ್ತ ಪ್ರಧ್ಯಾಪಕೆ. ಯನ್ ನಾಲ್ ಒರ್ಸೊ ಪಿಲಿಕುಲ ನಿಸರ್ಗ ಧಾಮೊಡು ಯೊಜನಾಧಿಕಾರಿಯಾದಿತ್ತೆ. ೨೦೦೯ಡು ಉಜಿರೆಡ್ ಶ್ರೀ ಕ್ಷೇತ್ತ್ರೊ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆರೆನ ಮಾರ್ಗದರ್ಶನೊಡು ನಡತ್ತಿನ ವಿಶ್ವ ತುಳು ಸಮ್ಮೇಳನೊದ ಪೊರ್ತುಡು ಕೊಡಿಪು ಸೇರ್ದ್ ಪ್ರಕಟವಾಯಿನ ೫೧ ಗ್ರಂತೊಲೆ ಪ್ರಧಾನ ಸಂಪಾದಕೆ ಆದುಲ್ಲೆ. ಇಂಚಿಪೊ ೨೦೧೬ಟ್ಟ್ ಪ್ರೊ.ಬಿ.ಎ.ವಿವೇಕ ರೈ ಆರೆನ ಪ್ರಧಾನ ಸಂಪಾದಕತ್ವೊಡು ಪ್ರಕಟವಾಯಿನ ಮಂಗಳೂರು ದರ್ಶನ ಸಂಪುಟೊಲೆ ಮೂವೆರ್ ಸಹಾಯಕ ಸಂಪಾದಕೆರೆಡ್ ಯಾನ್ಲಾ ಒರಿಯಾದುಲ್ಲೆ. ಎನ್ನ ಯಜಮಾನ್ದಿ ಪ್ರೊ. ಚಂದ್ರಕಲಾ ನಂದಾವರ ಕುಡ್ಲದ ಗಣಪತಿ ಪದವಿ ಪೂರ್ವ ಕಾಲೇಜ್ದ ನಿವೃತ್ತ ಪ್ರಾಂಶುಪಾಲೆ. ಕನ್ನಡದ ಹಿರಿಯ ಲೇಖಕಿ ಬೊಕ್ಕ ಕವಯತ್ರಿ. ಯೆಂಕ್ಲೆಗ್ ಇರ್ವೆರ್ ಜೋಕುಳು. ಮಗಳ್ ಹೇಮಶ್ರೀ ಇತ್ತೆ ಮದಿಮೆ ಆದ್ ಅಮೇರಿಕೋಡು ಉಳ್ಳಾಲ್. ಮಗೆ ಸುಧಾಂಶು ಬೆಂಗಳೂರುಡು ಸೀನಿಯರ್ ಸೋಫ್ಟ್‌ವೇರ್ ಆರ್ಕಿಟೆಕ್ಟ್ ಆದುಲ್ಲೆ. ಯೆಂಕುಲು ಹೇಮಾಂಶು ಪ್ರಕಾಶನದ ಮೂಲಕ ಈತ್ನೇಟ್ಟ ೭೮ ತುಳು ಬೊಕ್ಕ ಕನ್ನಡ ಗ್ರಂಥೊಲೆನ್ ಪ್ರಕಟ ಮಲ್ದ.
