User:The Eternal Wanderer
नमस्ते! मेरा नांऽ सुव्रत शर्मा ऐ। अ'ऊं ठारां ब'रे दा आं ते अ'ऊं जम्मू शैह्रै दा रौह्ने आह्ला आं। अज्ज अ'ऊं तुं'दे कन्नै अपनी मातरी-भाशा डोगरी च गल्ल करङ। डोगरी इक पच्छमी प्हाड़ी भाशा ऐ, जिसी किश ५० लक्ख लोक बोलदे न। एह् मुक्ख तौरै पर भारत च जम्मू ते कश्मीर दे जम्मू प्रांतै च बोली जंदी ऐ। ओह्दे अलावा पच्छमी म्हाचल प्रदेश ते उत्तरी पंजाब च बी किश लोक इसी बोलदे न। डोगरी पैह्लें पराने ते नमें डोगरे अक्खरें च लखोई जंदी ही ब अज्जकल देवनागरी दा इस्तेमाल होंदा ऐ। दिक्खा जावै तां डोगरी दियां त्रै मुक्ख बोल्लियां न - ऐंधड़ी, कंढी ते प्हाड़ी। तुस जेह्ड़े बी जि'ले जागेओ, उत्थें तुसेंगी डोगरी बोलने दी बक्खरी चाल्ली थ्होग।
योरप, उड़ीसा, असाम
खुआन -
- अंत भला सै भला। (जिस कम्मै दा अंत शैल होऐ ओह् शैल गै मन्नेआ जंदा ऐ।)
- अंत भले दा भला। (चंगे कम्मै दा फल चंगा गै होंदा ऐ।)
- अंदर न्हेरा ते मसीती दीआ। (अपने असली कर्तब्बै बारै लापरवाही करनी ते दंभ-दखावे दा धरमाचार करना।)
- अंब चूपने जां बातां करनियां? (अपने कम्मै कन्नै बास्ता रक्खना।)
- अंब पाल्ली दा, खरबूजा डाह्ली दा।
- अंबरै गी थुक्के दा अपने गै मूंहै पर औंदा। (कुसै आदरजोग जां प्रतिश्ठत आदमी दी निंदेआ करने आह्ला अपनी गै नीचता प्रगट करदा ऐ।)
- अकली दा अ'न्ना, गंढी दा पूरा। (ऐसा मनुक्ख जेह्ड़ा मुट्टी अकली आह्ला होंदे होई बी लैने-देने दे मामले च बिंद कसर नेईं खा।)
- अक्ख पलक्कनी रैह् गेई, मूंह् बिच्च रेहा ग्राह्, लख लानत ओ सुथरेआ, जे पल दा करै बसाह्। (संसार नश्वर ऐ।)
- अक्खीं ओह्लै परदेस।
- अक्खीं लब्भदा नेईं, ते नांऽ चरागशाह् जां नैनसुख। (नांऽ ते शैल होना पर गुण ओह्दे उल्ट होने।)
- अगले गी सोट्टा ते पिछले गी सप्प।
- अग्ग लग्गे दे बदल नेईं ब'रदा। (कम्म बिगड़ी जाने पर उस्सै बेल्लै ओह्दा हल्ल नेईं निकलदा।)
- अग्ग लैन आई ते घरैआली बनी बैठी। (कुसै पज्जें बगान्नी चीजै पर कब्जा करी लैना।)
- अग्गा शेरै दा ते पीछा गिद्दड़ै दा। (पैह्लें शेखी मारनी पर मौके-सिर डरौकल निकलना।)
- अग्गी कोल घ्यो म्हेशां पिरघलदा। (जुआन कुड़ियें-जागतें दे मेल-मलापै पर कामबासना दा भड़कना कुदरती ऐ।)
- अग्गी दी जली दी टटैने कोला डरै। (तत्ते दुद्धै थमां जले दा आदमी लस्सी गी बी फूकां मारियै पींदा ऐ।)
- अग्गूं टक्क ते पिच्छूं दलत्ते। (पूरी चाल्ली कमीनगी पर उतरी औना।)
- अग्गें खूह् ते पिच्छें खाई जां खाता। (दौनें पासें मसीबत होनी।)
- अग्गें ढक्क ते पिच्छें बसूनी। (कम्म शुरू करने कोला पैह्लें गै बसोन लग्गी पौना।)
- अग्गें दौड़ ते पिच्छें चौड़। (अग्गें बधने दी काह्ली च पिछला कम्म बगाड़दे जाना।)
- अग्गें निं काहेआ ते पिच्छें निं सत्थरी। (अग्गें-पिच्छें कोई साक-सरबंधी नेईं होना।)
- अग्गें नेसी मान, हून ते खसम बतोए दा। (मनमानी करने आह्ले गी रोकने-ठाकने आह्ला कोई नेईं रौह्ना।)
- अग्गें नेसी मान, हून ते नत्थै दा गमान। (हुच्छे आदमी दा कोई चीज थ्होने कारण घमंड बधी जाना।)
- अग्गें बन्नी सोह्नी ते फ्ही सुत्ती उट्ठी। (कुसै दी कमी-कमजोरी दा सुआया होई जाना।)
- अग्गें बुड्ढी नच्चनी, फ्ही ढोलें दी घन-घोर। (कुसै दी सभावक कमजोरी गी सुआका देने आह्ला कोई कारण बनी जाना।)
- अग्गें हत्थ, पिच्छें हत्थ, आए माऊ दे भागीरथ। (कुसै नकम्मे आदमी दा कमाई करने गी जाना ते खाल्ली हत्थ परतोई औना।)
- अजें गोढ़े चा पूणी बी नेईं मुक्की। (रपेऽ च पैसा-भर बी कम्म नेईं होए दा होना।)
- अजें बूआ दे हत्थ नेईं होऐ गोहे जोगे। (कम्मै दा तजरबा नेईं होना।)
- अज्ज मोए कल्ल दूआ दिन। (जींदे-जी गै मूंह्-मलाह्जा होना।)
- अज्ज राही कल्ल लपोलप। (कुसै कम्मै दे शुरू करदे गै चबात लाभ होना।)
- अति कुसै गल्लै दी बी खरी नेईं। (कुसै बी गल्लै दा हद्दै थमां बाह्र होना माड़ा होंदा ऐ।)
- अद्धा भरे दा म्हेशां छलकदा। (हुछला आदमी बड़ियां शेखियां मारदा ऐ।)
- अ'न्ना कुत्ता बाऊ गी भौंकै। (कारण नेईं होने पर बी नासमझ आदमी दा खिंझना जां रोहें होना।)
- अ'न्ना पुच्छै काणे गी जे केह्ड़ा राह् ऐ जाने गी। (अनाड़ी आदमी दा दूए अनाड़ी कोला सलाह् लैनी।)
- इक अनार सौ बमार। (चीज थोढ़ी ते जरूरतमंद मते।)
- इक आई अनसद्दी कन्नै गा बुरे-बुरे। (बिना सद्दे औना ते नामनासब गल्लां करनियां।)
- उत्तम खेती मद्धम बपार, नखिद्ध चाकरी भिक्ख दोआर।
- खाने गी चतरभुज ते कम्मै गी जगननाथ।
- जट्ट मकद्दम ब्रैह्मन शाह्, बनिया हाकम कैह्र खुदा।
- जमात करामात।
- जिं'दे अढ़े सलामती उं'दी केह् ऐ रीस। (जिं'दी पिट्ठी पर कुसै तगड़े दा हत्थ ऐ उं'दी बरोबरी दूए नेईं करी सकदे।)
- जिं'दे कोह्लें दाने, उं'दे कमले बी स्याने।
- जिन्ना कढ़ै, उन्ना ब'रै।
- दंद गे सुआद गेआ, अक्खीं गेइयां ज्हान गेआ।
- दिन चढ़ै तां अत्तां-बत्तां, रात पवै तां पूणी कत्तां। (बेला खुंझाइयै कम्म करना।)
- बड्डा कां ढेरा पर गै बौंह्दा।
- बरसांती सवै ते स्याले रोवै।
- मिलकेआ तां खिसकेआ, गुड़केआ तां छुड़केआ।
फलौह्नियां -
- इक शकारी शकार चढ़ेआ, नांऽ ओह्दा चंद, उस ऐसा मिरग मारेआ, जिसगी सोलां बीहां दंद। (राम ते रावण)
- इन्नी हारी कुड़ी, राजे कन्नै भत्त खंदी। (मक्खी)
- ओलनी मोलनी, दरोआजे च खोह्लनी। (नुक्क)
- काली कंबली तिल बद्धे, दिनें गुआचे रातीं लब्भे। (न्हेरा, गास ते तारे)
- जिन्नी मिलै उन्नी गै खाऽ, फ्ही बी ओह्दी भुक्ख निं जाऽ। (चक्की)
- बब्बै-पुत्तरै दा इक्कै नांऽ, बब्ब रौंह्दा इक्कै थां, पुत्तर फिरदा ग्रां-ग्रां। (अंबै दा रुक्ख ते फल)
- मारां इक, बज्जन पंज। (हत्थ)