User:Sobeldione

NJONGOLOOR

Waagaan FAY, o PeeƳoor, o ten sij u Njogoloor, ndaa a jega waana layaa yee o Kelwaar a reeƭ u itam. A xat a Gaabu a yoon fo o ƃeem Demba Jaaxeer FAY, o paal o tafax um Yoro Koo JUUF, fa mbirum Ñoxor Mbade Coro FAY fo eerna fa tend ara. A laye e Waagaan a reef a Kulaar, Mar Looj, Jaxaanoor, Mbiisel, Jurup soo Njogoloor. Kaa sinj o Njongoloor bo a Ƴut soo a sinjik a Jaxaaw. Kene taxu bo a Sinig a xoyeel a Sinig Waagaan.

Yaa sate fe a sinjeel, Jeen o Nqes reeƭ u o maad. Ye ta sinja koy taagu ee o leng yaam kaa soƤ o leng jegee lanq ke. Njogoloor a mosa ref sax maak a Sinig. Cefeer ke tagasoogna o maad oxe a mbokatooge maaga. O tew a ñoot angaa, a ƃisiidooge, a doxnel cefeer ke bo yaa bes ne a dakwiidka, no bat ne, ndax yung ke. A ndeer yaa o tew a ñoot na bo no bat na, o seereer a nanga xoyan o njogoox. Kene Ƥisiidu Njogoor bo wiin we a layata Njongoloor.

No eetaan kaa saax le Hireena a ne e to na Buur Siin a fog u. Hireena kaa tekit mudan.

Saasaax we Njogoloor ndeeƭ u

1. Waagaan FAY, o tim PeeƳoor, o ten sinju saax le

2. Demba Jaaxa FAY, o ƃiy Waagaan

3. Abdu FAY, o ƃiy Demba Jaaxa

4. Hamad JUUF, mbogee tus

5. Duudu JUUF, o pog faap Hamad JUUF

6. Biram Mbuna FAY, mbogee tus

7. Jeen Lerew FAY, o pog faap Biram Mbuna FAY

8. Njaw JUUF mbogee tus

9. Jiijak FAY mbogee tus

10. Mbake NJAAY mbogee tus

11. Kumba Ndoofeen JUUF mbogee tus

12. Hamad Kodu JUUF mbogee tus

13. Mbaar FAY, fog ina ndok ale Waagaan.

We mbogna tim ole no Kala we to da ngen Paaraar njegu o Ňaay ole.

A caate ke Njongoloor ndefu

• Ndiongolor Daga, kam saate,Waagaan FAY a sinjin
• Mak, Njarka JUUF a sinjin
• Parar, Biram Ndeß FAY o Sareen a sinjin, to a bafit u kam saate
• Bako Bof, Jeen NJAAY, o Cooka a sinjin, a bafit u kam saate
• Sasèm, Jeen FAY, o Taßoor a sinjin, a bafitu kam saate
• Bisimilay, Ismaila DONDE, o kawul a sinjin.

A jega a pooɗoom ake no Soose we na maada kam saax bo fa ndik to njegee a kon. FAA FAY a mboga fo a maad a Sinig Sanmoon FAY.

Maad we Sinig ndeeƭ u

1. Mbañ Yaaya SAAR

2. Maysa Waali JON

3. Waagaan Masa FAY

4. Tase FAY

5. Njuma JEfl

6. Waagaan FAY

7. Silmafi MAROON

8. Mbegaan NDUUR

9. Wula NDONG

10. Joomaay Pangayaay NGOM

11. Jokel FarƳeer

12. Mbisaan JOOB

13. Geej NJAAY

14. Jokel Laba NGOM

15. Joomaay Πangal JUUF

16. Geejo Paal JUUF

17. Joomaay ÑAAN (Sanqaay)

18. Mbisaan JOOB

19. Waasila Famaak FAY

20. Jeen o Nqes FAY

21. Bukar Cilaas Mbotil FAY

22. Jogoy Ñilaan JUUF

23. Waali Moon NDONG

24. Jee Sanu FAY

25. Laasuk Sanu FAY

26. Samba Lamdud NJAAY

27. Waagaan Njongoloor FAY

28. Biram Paate Jogoy JUUF

29. Silmafi Laba

30. Bukar Cilaas Jaajel

31. Ama Kodu Maye JUUF

32. Laasuk Ñilaan Jogoy FAY

33. Laasuk Fañaam FAY

34. Biram Paate Kumba Daga

35. Jeen Paate FAY

36. Njaak FAY

37. Ama Kumba MBOOJ

38. Kumba Ndoofeen Famaak JUUF

39. Hamad Famaak JUUF

40. Sanmoon FAY

41. Sanu Maak JUUF

42. Hamadi Baro JUUF

43. Mbake Kodu NJAAY

44. Jaalgi Sira JUUF

45. Ñoxor JUUF

46. Mbake Maak NJAAY

47. Mbake Ndeß NJAAY

48. Kumba Ndoofeen Suka JUUF

49. Mayekoor JUUF, falakna maad we Sinig o Jaxaaw.

Me na xeƭ teel o Njogoloor refu

• Waagaan Fay, a mboy ale no xe sinj na saax le to pudaay a mbidin. O hiid olu refna xan saax le fop a ret maaga, a tuup ale matiidanga fo na saxad ale. Xan a ƃisiid sadax nda dara warkaan. We simeena Njaay saqu cuur ale.
• Daaf, ndaxar na me xa culi xe a ndetaa to yaal mbind nuu refna xana gar maaga a juuriid.

Laatir FAY, o yaal saate.