Jump to content

User:Samsam22

From Wikimedia Incubator


عايز اشوف ازاى ممكن كتابة نصوص علمية وتاريخية باللهجة المصرى. أنا قريت عن الموضوع ده زمان فى كتب سلامه موسى مع ان سلامه موسى كتب بالعربى الفصيح المبسط والمواضيع اللى باكتب فيها عن تاريخ المماليك وكتجربة حابدأ بموضوع بسيط عن سيرة الظاهر بيبرس لان السيرة مكتوبة بالمصرى

لغاية دلوقتى وانا باكتب لقيت حاجه اسمها لهجه وحاجه اسمها لغه لازم اقولكم عليها. المصرى له كلمات خاصه بيه زى مثلاً كلمة بتاع و فيه لهجه، يعنى نطق، زي مثلا كلمة بنت ممكن بتتنطق بت. بس فى الكتابة لازم تكون بنت ولا حانبقى بنكتب لهجه مش لغة وبكده ممكن عمل قاعده كتابه للغه المصريه. والقاف لازم تتكتب قاف مش همزه ولا ألف والا الكلمات حاتختلط.

Wp/arz/سيرة الظاهر بيبرس Wp/arz/سلامه موسى

  • متشكر يا سام على رسالتك ليا،انت طرحت هنا نقتطين اساسيتين هما مسألة نكتب إيه؟ ومسالة نكتبه ازاي؟ بالنسبة للنقطة الاولانية بتاعة نكتب ايه و ياترى نكتب اللغة و لا اللهجة ففي رأيي ممكن نكتب اي حاجة طالما بيطلبها السياق بتاع الكلام يعني انت غارف ان بت و بنت في فرق صغير بينهم على المستوي الدلالي يعنى بنت فيها معزة و تقدير انما بت فيها تحقير و انتي-فيمينزم. يعنى الكلمتين موجودين في اللغة المصرية الحديثة وكل واحدة بتعبر عن دلالة معينة و سياق معين. و نفس الكلام ممكن نمده على كلمة ولد و واد وولا.كل اللغات الحديثة كانت لهجات في يوم من الايام و الاسباني و الفرنساوي و الطالياني كانو لهجات (فالجار) من اللغة اللاتيني و حتى اللغات الاوروبية كلها و الايراني و الهندي و الكوردي كانو في يوم من الايام لهجات للغة السنسكريتية القديمة و العربي و العبري لهجات من اللغة البروتو-سامية. المسألة هنا هي في تطور و تغير ولا مافيش؟ كل يوم بتظهر كلمات جديدة و تختفي كلمات تانية هي دي طبيعة اللغات. بتبقى لهجات في الاول و بعد شوية بتبقى لغات مستقلة.

النقطة التانية بتاعة نكتب ازاي ف دى اتقتلت بحث و ممكن تاخدلك بصة هنا[1] و هنا[2] و تقولنا رأيك شكرا ليك مرة تانية واهلا و سهلا بيك--Ramsis II 13:53, 8 October 2008 (UTC)

  • أخدت بصة سريعة .. على اى حال بعد ماخلص المقالة حأقول رأيي فى الموضوع ، وأنا بقول ملحوظات هنا بس وأنا بأكتب عشان مانساش بعد ماخلص المقاله. طبعاً كلمة بت وبنت مجرد مثل جه فى بالى وانا باكتب وماظنش كلمة بت فيها تحقير ولابتاع ده فيه اغنيه بتقول يا بت السلطان ... طبعا مش تحقير هى بس عشان النون فى لنص فنطقها بت اسهل زى كنت و كت. أنا باحاول الاقى قاعدة للكتابة بالمصرى لان لو مفيش قاعده الموضوع حايبوظ وعلى فكره الكتابه بالمصرى مش اى كلام ومش سهل زى مافيه ناس بتتصور ده زى الشعر العامى.. كويس اهو موضوع الشعر العامى برضه ملحوظه وانا شفت مقاله هنا لأحمد فؤاد نجم اللى قال " دور ياكلام على كيفك دور خلى بلدنا تعوم في النور" .. أهو ده كلام مصرى صميم واشعار أحمد فؤاد نجم وغيره ممكن تكون اساس لقاموس المصرى العامى .
  • ياريت تشوف مشروع الويكشيناري المصري و تشارك فيه او تقدم اقتراحات عشان نطوره او تقول كمان لو في حاجة غلط او وقعت مننا.شكرا ليك--Ramsis II 12:54, 9 October 2008 (UTC)

wiktionary writing system[edit | edit source]

ازيك يا سام، انا كتبت الصفحة دي في الويكشيناري المصري ياريت تقراها و تقولي رأيك فيها او لو عايز تضيف لها حاجة شكرا--Ramsis II 23:46, 14 October 2008 (UTC)

الشعر و الويكشيناري[edit | edit source]

  • ازيك يا رمسيس، عجبنى الشعر اللى على صفحتك .. انت اللى ترجمته ؟ بالمناسيه انا مش فاهم ايه اللى الواحد المفروض يعمله عل الويكشنارى :) سلامات حاره. Samsam22 21:51, 24 October 2008 (UTC)
  • صباح الخير يا سام،الشعر دا انا مترجمه من الانجليزي(مش من الهيروغليفي طبعاً:()و هنا[3]نص القصيدة اللي كتبها شاعر مجهول بعد انتصار الملك رمسيس التاني في معركة قادش و خطها على ورق البردي خطاط اسمه بنتاور-ت ، القصيدة دي ترجمها جيمس هنري بريستيد من الهيروغليفي للانجليزي و انا اخترت شوية ابيات منها علشان احطهم في الصفحة بتاعتي.
  • مشروع الويكشيناري ببساطة هو قاموس مصري ، كل كلمة مصرية بتيقى ليها صفحة خاصة بيها. ممكن في الاول تبتدي الصفحة لو جه على بالك كلمة او تعبير مصري
ابتدى صفحه جديده فى ويكشينارى مصرى:

. ممكن كمان تكتب اصل الكلمة دي و النطء بتاعها اليوزر دودي هو المتخصص بتاعنا في حتة النطق دي بس الحاجات دي ممكن تتضاف بعدين.ابتدي انت بس و شوية شوية ح تلاقي نفسك فهمت النظام بيشتغل ازاي.شكرا--Ramsis II 04:03, 25 October 2008 (UTC)

secularism[edit | edit source]

  • Samsam22 03:18, 30 October 2008 (UTC) تحيه حاره. secular سلامات يا رمسيس. اقترح ندخل كلمة " سيكولاريه " فى اللغه المصرية المعاصرة

الله يسلمك يا سام ومتشكر على رسالتك معلش انا اتشغلت شوية الايام اللي فاتت دي، اقتراح كلمة السيكلوريه اقتراح كويس خالص و بيتفادى السمعة السيئة اللي خدتها كلمة العالمانية في المجتمع المصري و اللي بقت مرادفة للكفر و الالحاد و الزندقة و عشان كدا فشلت الاحزاب المصرية الي قالت على نفسها عالمانية في انها تجذب عدد معقول من الناس.سيكلورية هو الاسم = عالمانية و الصفة منها ح تكون سيكيولاري = عالماني؟--Ramsis II 03:29, 30 October 2008 (UTC)

أحمد فؤاد نجم[edit | edit source]

ازيك يا سامسام؟عامل ايه و انشالله تكون غيبتك دي وراها تحضير و ترتيب لمقالة من مقالاتك الجامدة اللي بنستناها كلنا. ايه رأيك في صفحة أحمد فؤاد نجم ؟ انا بصراحة شايف انها عايزة تحسين و شغل و بارشحها ليك لو حابب تطورها شكراً --Ramsis II 10:56, 16 November 2008 (UTC) _______________________

  • ازيك يا رمسيس وعامل ايه.. معلش اصلي كان ورايا شوية حاجات ومشغول حبتين وبعدين بديت في تطوير مقالة للصالح أيوب على العربية لإن الموضوع كان محتاج. بعد ماخلص مقالة سلامة موسى حاعمل مقالة عن فولتير . بالنسبة لأحمد فؤاد نجم بصراحة ماعرفش الكتير عن حياته وماعرفش غير االلى كان بيكتبه للشيخ إمام. وياترى انتوا عاملين ايه وياريت بقى يعملوا الصفحة عشان الموضوع يكمل .. سلامي الحار Samsam22 04:58, 17 November 2008 (UTC)
  • انا قولت كده برده الغيبة دي وراها مفاجأة و صاحب الحظ السعيد طلع فولتير:)--Ramsis II 11:48, 17 November 2008 (UTC)