User:M-sch

Hallo ihr Pälzer,

bin mol dezugeschdoß, jetzt gugge mer mol, was do schunn is un was ma noch ergänze kennt.

Ich schreib uf bärmesensisch. Des is so ähnlich wie weschtpälzisch, awwer mir liewe es "ä" un es "ò". Hä?

Ich hab mich defier entschied, des longe offene "o" wie in "Trance" als "ò" zu schreiwe: "Dahn" werd zu "Dòhn", "Amerikaner" zu "Omerigòner". Ich denk, die Elsässer mache des a so. Es dänische "å" oder es polnische "ą" ware ma donn doch zu exodisch. Beim korze offene "o" wie in Gong känne ma die hochdeisch Schreibweis jo losse.

Die Elsässer schreiwe zwar es "ä" als "è" weil es "ä" im fronzesiche e extra geschbrochenes "a" wer, awwer a do känne ma es fa's Pälzische jo beim Hochdeitsche belosse.

Monschmol hab ich e Aposchdroph ' verwend, um e Wort e bissel leichter erkennbar zu mache. Z. B. Kron'ge (Kranke). Kronge det ma jo gonz onnerschd ausspreche.

20.08.2009: So, jetzat hab ich mol Wp/pfl/Lemberch un die Wp/pfl/Burch Lemberch aus'm deitsche iwwernumm (was jo zum dääl a uf moim Mischd gewachs war), un sogar e bissel verbessert.

18.09.2009: Wp/pfl/Bärmesensis a so weit ferdich. Ich geh donn mol on die Wp/pfl/Geschicht_vun_de_Schtadt_Bärmesens