Template:Wp/zgh/ⴰⵡⵡⵓⵔ:ⴰⵙⴳⴷ/ⴰⵔⵇⵇⴰⵙ
ⵉⴳⴰ ⵙⵎⴰⵄⵉⵍ ⵓ ⴱⵕⴰⵀⵉⵎ ⵓ ⵜⴰⵔⵃ ⴷⴰⵔ ⵉⵎⵓⵙⵍⵎⵏ ⵢⴰⵏ ⵢⵉⵙⵔ ⵙⴳ ⵉⵙⵔⴰⵏ ⵏ ⵕⴱⴱⵉ, ⴷ ⵎⴻⵎⵎⵉⵙ ⵏ ⵢⵉⵙⵔ ⴱⵕⴰⵀⵉⵎ, ⴰⵎⵎⴰ ⴳ ⵜⵓⴷⴰⵢⵜ ⴷ ⵜⵎⴰⵙⵉⵃⵜ ⵉⴳⴰ ⵖⴰⵙ ⵢⴰⵏ ⵡⴰⵡⵔⵉⴽ ⴰⵎⵣⵔⴰⵢ ⵉⵜⵜⵓⴱⴷⴰⵔ ⴳ ⵓⴷⵍⵉⵙ ⴰⴼⵓⵥⴰⵕ ⴰⵎⴰⵙⵉⵃⵉ, ⵉⴳ ⴱⴰⴱ ⵏ ⵡⴰⵙⵙⴰⵖ ⵏ ⵡⴰⵄⵕⴰⴱⵏ ⵉⵙⵎⴰⵄⵉⵍⵉⵢⵏ, ⵣⵄⵎⴰ ⴰⵄⵕⴰⴱⵏ ⵉⵇⵉⴷⵔⴰⵢⵓⵏⵏ ⴷ ⵉⵏⴰⴱⴰⵟⵏ ⴷ ⵉⵄⴷⵏⴰⵏⵏ, ⵉⵜⵜⵢⴰⴼⴰ ⴳ ⵜⴰⴷⴷⴰⴳⵜ ⵏ ⵡⴰⵙⵙⴰⵖ ⵏ ⵢⵉⵙⵔ ⵎⵓⵃⵎⵎⴰⴷ.
ⵉⴳⵎⴰ ⵙⵎⴰⵄⵉⵍ ⴳ ⵓⴼⴰⵔⴰ, ⵉⴳ ⴰⵎⵡⴰⵜ ⵙ ⵜⵏⵙⵙⴰⴳⵜ ⵣⵓⵏ ⴷ ⴰⴽⴽⵯ ⴰⵢⵜ ⵓⴼⴰⵔⴰ ⴰⵄⵕⴰⴱ. ⵉⴼⵍ ⴷ ⵙⵉⵏ ⴷ ⵎⵔⴰⵡ ⵏ ⵓⵔⴱⴰ ⵎⵙⴰⵙⴰⵏ ⵉⵙⵎⴰⵡⵏ ⵏⵏⵙⵏ ⴷ ⵉⵙⵎⴰⵡⵏ ⵏ ⵜⵡⵙⵉⵜⵉⵏ ⵜⵉⵄⵕⴰⴱⵉⵏ ⵏ ⵓⴳⴰⴼⴰ, ⴳⵏ ⵜⴰⵔⵡⴰ ⵏⵏⵙ ⵉⴷ ⴱⴰⴱⴰⵙ ⵏ ⵜⵡⵙⵉⵜⵉⵏ ⵜⵉⵄⵕⴰⴱⵉⵏ ⵍⵍⵉ ⵣⴷⵖⵏⵉⵏ ⴳⵔ "ⵃⵓⵡⴰⵢⵍⴰ" ⴰⵔ "ⵛⵓⵔⴰ", ⵜⵍⵍⴰ ⵛⵓⵔⴰ ⵜⴰⵎⴰ ⵏ ⵡⴰⴽⴰⵍ ⵏ ⵙⵙⵡⵉⵙ, ⵜⵉⵍⵉ ⵃⵓⵡⴰⵢⵍⴰ ⴳ ⵅⵓⵍⴰⵏ ⴳ ⵓⴳⴰⴼⴰ ⵏ ⵢⴰⵎⴰⵏ, ⵢⵉⵍⵉ ⵃⵉⵊⴰⵊ ⴷ ⵏⴰⵊⴷ ⴷ ⵜⵓⵀⴰⵎⴰ ⴷ ⵜⴳⵣⵉⵔⵜ ⵏ ⵙⵉⵏⴰ ⴳⵔⴰⵙⵏⵜ.