Template:Wp/ydg/ھنونو شخصیت

رحمت عزیز چترالی،گولڈ میڈلسٹ صحافی، ادیب، دانشور

رحمت عزیز چترالی کھوار زبانو منشور شاعر، ادیب ۔ پاکستانو ضلع چترالو تحصیل تورکھوو ای دیہہ مراندھا بیشیر پونج اپریل 1970 آژیتای۔ کھوار زبانا ھو مجموعہ کلام گلدستہ رحمت، اردوا گلدان رحمت وا علامہ اقبالو کلامو منظوم اردو ترجمہ اوچے کھوار کغازان مجموعہ چاپ بیتی شینی ہے کتابان کھوار اکیڈمی چاپ کوری اسور۔

رحمت عزیز چترالی پاکستانو صوبہ خیبر پختونخو ضلع چھترارو تحصیل تورکھو کھوتو مراندھا پیدا ہوئے۔ ھیس نسبی طورا خوشے قبیلو سوم تعلق لاکھویان۔ رحمت عزیز چترالی پاکستانا مقیم کھوار اوچے اردو زبانو ممتاز ماہر لسانیات، ماہر ترجمہ، لیکزیکوگرافر، صحافی، ادیب، ماہر اقبالیات، مدیر، ماہر ترجمہ، کالم نگار اوچے دانشور آسور۔ادبی کالم نگاریو سوم جستہ جستہ ھیس ماھنامہ ظرافت کراچی اوچے ماھنامہ چاند لاھورا طنزیہ و مزاحیہ کالم دی نیویشیران، جو شعری مجموعان (اردو چے کھوار) زبانا گلدستہ رحمت چے گلدان رحمت وا کھوار زبانا طنزیہ و مزاحیہ کغازان مجموعہ صدائے چترال نامو سورا کھوار اکیڈمی شائع کوری اسور۔ کھوار زبانا آویلو دفعہ ہیس شاعر مشرق علامہ اقبالو کیتیپان بانگ دارا، بال جبریل، ضرب کلیم، زبور عجم اوچے ارمغان حجازو منظوم ترجمہ کوری آسور ہے کیتیپو وزارت ثقافت حکومت پاکستان، اقبال اکیڈمی اوچے کھوار اکیڈمی تان موژی یاردوییو اوچے اشتراکو سورا شائع کوری آسونی۔ ہیس کھوارﺍکیڈﻤیو صدر نشین اوچے ﺍنجمن ترقی کھوار کراچیو صدرو حیثیتہ کھواروبچے بو کوروم آریر۔ وا ہو ادبی خذمتن سلسہ تا ہنونہ پت جاری شیر۔ رحمت عزیز چترالیو ادبی زندگیو آغاز 1980ء شروع بیتی اوشوئے۔ ہو اردو اوچے کھوار کتیپ ہتے سنی کراچیاری شائع ہونی۔ہیس کھواراکیڈمیو"چترال ﻭژن" نامین اردو ﺍوچے کھوار اخبارو ایڈیٹر دی آسور وا ہنون زمانا ہیس ویکیپیڈیو ایڈیٹر دی اسور وا انگریزی، اردو، سندھی، بلوچی، پشتو، فارسی اوچے پنجابی ویکیپیڈیا ایڈیٹنگ دی کویان وا ہیس آویلو چھتراری کہ ویکیپیڈیو ایڈیٹر بیکو اعزاز ہوتے نصیب ہوئے ۔ وا پاکستانی زباننتے ہو خدماتن اعترافہ ہوتے ویکیپیڈیو ووشکیاری بو اعزاز چے انعام دی دیونو ہو ئے وا ہیس کھوار اکیڈمیو صدر نشین حیثیتہ ویکیپیڈیو کھوارا جاری کوریکو بچے کوشش آریر وا ہیس تان کوششہ کامیاب بیتی کھوار زبانا آویلو ویکیپیڈیا تیار آریر کھوار زبان ہو ہے احسانو زندگی بھر نو رخڅور -(مذید لوڑور...)