Template:Wp/khw/منتخب فہرست صفحہ اول

From Wikimedia Incubator
Jump to navigation Jump to search
Rashidun Caliph Ali ibn Abi Talib - علي بن أبي طالب.svg
ائمہ اثنا عشریہ یا جوہجو امام شیعہ فرقان جوہجو امامی، علوی اوچے اہل تشیعو نزدا پیغمبر اسلام محمد صلی اللہ علیہ و آلہ و سلمو سیاسی وا روحانی جانشین آسونی۔ شیعی نظریئےو مطابقہ ھمی جوہجو حضرات بنی نوع انسانو بچے نا صرف مثالی، عدل و انصافو سوم جستہ حکومت کوریکو حق اوچے اہلیت لاکھونیان بلکہ ھتیت شریعت اوچے قرآنو دی اکمل تاویل کوریکو بونیان۔ محمد صلی اللہ علیہ و آلہ و سلم اوچے ھتوعو ائمہ کرامان سنتو پیروی ھیتان مریدانن ضرور کوریلیک تا کہ ھیت غلطیان اوچے گناہان ساری بچ بونی، امام بیکو بچے ضروری شیر ھسے گناہاری معصوم اوچے غلطیان ساری پاک بار وا ھتوعو نبی کریم صلی اللہ علیہ وسلمو سوم جانشینی گزشتہ امامو نص (وصیت)اری ثابت بائے۔ شیعان نزدا ہر وخت مسلمانانن موژی ای امام زمانہ موجود بوئے، وا ھتوعوتے تمام عقائد و قانونن سورا اختیار حاصل شیر۔ علی آولانو امام اوشوئے وا شیعان نزدا ھمی ائمہ کرام پیغمبر اسلامو حقیقی وارثین و جانشین آسونی وا ھیتان نسل فاطمہو نسلو ذریعا پیغمبر محمد صلی اللہ علیہ و آلہ و سلمو سوم ملاو بائے وا امام بیکو بچے کولانو بیک لازمی شرط شیر یعنی عورت امام بیکو نو بوئے۔