Template:Wp/hac/Nuştey heftey

Roşanê Qurbani

Wextê Eydê/Roşanê Qurbani de Kabe ra yew asayış

Eydê Qurbani ya ki Roşanê Qurbani yew eydo/roşano dinio ke terefê mısılmanan ra gorey teqwimê hıcri 10ê aşma Zılhıce ra nat çar roci yeno mıbarek kerdene.

Dinê İslami de be Eydê/Roşanê Remezani ra pia dı eydan/roşanan ra tewr muhıman ra yewo. No eyd/roşan namey xo 'seba rıza Heqi mal ya ki naxır qırban-kerdene' ra gêno/cêno.

Eydê/Roşanê Qurbani, dıwelê ke nıfusê xo zêdêr mısılmano, inan de lewê eydê/roşanê dini de eydo/roşano resmi ya ki roca tetili ilan bena. (dewamê cı...)

Destanê Gılgamışi

Pılemoriye

Destanê Gılgamışi yew destanê Sumeran o. Gılgamış, qralê pancina xanedanê Urukiyê Sumerano. Gorey vatışan Gilgamışi 126 serri hukımdarine kerda. Ema wextê hukımdarey ey tam belli niyo. Gılgamış yew qralo ke "Nagbu Imuru", yani "Keso ke heme çi diyo"yo. O yew hukımdaro eqılo, zanayo, riyê erdi u deryayan sero geyrayeyo, hikmet kefş kerda. Namey ey oricinalê xo de "Izdubar", "Gizdubar" ya zi "Gişdubar"o. Gılgamış versiyonê Yunankiyo.

Gılgamış, hirê ra dı Homa, hirê ra yew zi merdumo. Şarê Uruki Gılgamışi ra zehf hez keno. O zehf xurto, yew cengawero. Homa Aruru, Gılgamışi rê yew reqib xeleqnena, namey ey Engiduyo. Engidu yew bırro zehf gırd de cıwiyeno. O zey yew heywaniyo, zehf dest u paiyo, quwetıno, zehf gırd u zehf xurto.

Gılgamış yew plan vırazeno ke Engiduy biyaro bacarê Uruki. Gılgamış no planê xo de ser keweno. Raveri Gılgamış u Engidu danê pêro, ema kes zor kesi nêbeno. Behde zi her dı benê embazê yewbinan (embazê qederi). O wext Bırrê Sediri miyan de yew dêwo merdumwerdoğ esto. Namey ey Xumbabayo. Gilgamiş u Engidu şonê ke ney dêwê merdumwerdoği (Xumbaba) bıkışê. (Tabletê çarin). Ê behde zehf zehmet u meşeqatan a Xumbaba kışenê. (dewamê cı)