Jump to content

Template:Wp/apc/OnThisDay/كانون التاني

From Wikimedia Incubator

كانون التاني

[edit source]

1 كانون التاني

لاشلان ماكواري
لاشلان ماكواري
  • 1725 – يوهان سباستيان باخ قاد أول عرض لكانتاته الكورالية "يسو، نون ساي جيبرايزت"، يلي بتتميّز بمقطوعات الأبواق ببدايتها و نهايتها.
  • 1801 – عالم الفلك الإيطالي جوزيبي بيازي اكتشف الكوكب القزم سيريس، و سمّاه عَ اسم إلهة الزراعة و الحب الأمومي بالروماني.
  • 1810 – لاكلان ماكويري (بالصورة) صار حاكم نيو ساوث ويلز، و لعب دور كبير بتشكيل التطور الاجتماعي و الاقتصادي و المعماري للمستعمرة بأستراليا.
  • 1960 – 3 رجال ماتو و 2 انجرحو بحادث إطلاق نار جماعي ببيت عام بشيفيلد، إنجلترا.
  • 1994 – جيش التحرير الوطني اليساري الثوري الزاباتستي بدا 12 يوم من الصراع المسلّح بولاية تشياباس المكسيكية.


2 كانون التاني

أ. ميتشل بالمر
أ. ميتشل بالمر
  • 1865 - بالحرب الأوروغوايية، القوات البرازيلية و حزب كولورادو قدرو يسيطرو على مدينة بايساندو من المدافعين الأوروغوايين.
  • 1920 - بقيادة المدعي العام أ. ميتشيل بالمر (بالصورة)، عملاء وزارة العدل الأمريكية شنو سلسلة مداهمات ضد اليساريين الراديكاليين و الأناركيين بأكتر من 30 مدينة و بلدة بـ 23 ولاية.
  • 1991 - شارون برات ديكسون استلمت منصب رئيسة بلدية واشنطن دي سي، و صارت أول امرأة أمريكية من أصول أفريقية تستلم هالمنصب.
  • 2004 - مسبار الفضاء "ستاردست" مر جنب المذنب وايلد 2 و جمع عينات من الهالة اللي حواليه، و بعدين رجعها للأرض.
  • 2016 - نمر النمر، عالم دين شيعي بارز بالسعودية، تم إعدامه من الحكومة السعودية مع 46 شخص تانيين.


3 كانون التاني

لوحة لمعركة برينستون
لوحة لمعركة برينستون
  • 250 – ديسيوس أمر كل الناس بالإمبراطورية الرومانية (ما عدا اليهود) إنون يقدمو قربان للآلهة الرومانية، و هالشي أدى لاضطهاد كبير للمسيحيين.
  • 1777 – بحرب الاستقلال الأمريكية، القوات الأمريكية بقيادة جورج واشنطن هزمت القوات البريطانية بمعركة برينستون (بالصورة).
  • 1959 – نتيجة لقانون انضمام ألاسكا، صارت منطقة ألاسكا الولاية رقم 49 بالولايات المتحدة، و كانت أول ولاية برى الأراضي المتصلة بالولايات المتحدة.
  • 1990 – بالغزو الأمريكي لبنما، مانويل نورييغا، الحاكم السابق لبنما، استسلم للقوات الأمريكية براة السفارة البابوية بمدينة بنما.
  • 2002 – بالانتفاضة الفلسطينية التانية، القوات الإسرائيلية سيطرت على السفينة "كارين A"، و اللي كانت حاملة 50 طن من الأسلحة المهربة لصالح السلطة الفلسطينية.


4 كانون التاني

سولومون نورثاب
سولومون نورثاب
  • 1853 – سولومون نورثاب (بالصورة) استعاد حريته بعد ما انباع عبودية بالجنوب الأمريكي. مذكراته "12 سنة عبد" بعدين صارت من الكتب الأكتر مبيعاً.
  • 1970 – زلزال قوته 7.1 ضرب مقاطعة تونغهاي بالصين و قتل على القليلة 15,000 شخص.
  • 1977 – فرقة البانك روك الإنجليزية "سيكس بيستولز" إتصرفو بطريقة وقحة و مشاغبة بمطار هيثرو، الشي اللي خلى شركة التسجيلات "إي إم آي" تنهي عقدون.
  • 2010 – برج خليفة، أطول مبنى بالعالم، افتتح رسمياً بدبي.
  • 2020 – حديقة ينابيع "سيمباوانغ" الساخنة بسنغافورة انفتحت من جديد بعد ما أعادت تطويرها إدارة الحدائق الوطنية.


5 كانون التاني

هاري س. ترومان
هاري س. ترومان
  • 1757 - الملك لويس الـ15 نجا من محاولة اغتيال عملا روبرت فرانسوا داميان، و اللي صار بعدين آخر شخص بفرنسا تم إعدامه بالطريقة الوحشية اللي هي السحب و التقطيع.
  • 1869 - بحرب تي كوتي، بعد ما صمدو خمس أيام تحت الحصار بـ pā بنغاتابا، القائد الماوري تي كوتي قدر يهرب من الشرطة المسلحة النيوزيلندية.
  • 1919 - إتأسس "حزب العمال الألمان" اللي صار بعدين الحزب النازي على إيد أنطون دريكسلر.
  • 1949 - بخطاب حالة الاتحاد، الرئيس الأمريكي هاري س. ترومان (بالصورة) أعلن: "كل شريحة من مجتمعنا، و كل فرد فيه، عندو الحق يتوقع من حكومتو صفقة عادلة."
  • 2003 - شرطة العاصمة البريطانية اعتقلت 6 أشخاص بسبب مؤامرة إرهابية مزعومة لإطلاق مادة الريسين السامة بمترو لندن، مع إنو ما إلتفى أي سم.


6 كانون التاني

قسطنطين الإدعش باليولوجوس
قسطنطين الإدعش باليولوجوس
  • 1449: أربع سنين قبل سقوط القسطنطينية، قسطنطين الإدعش باليولوجوس (بالصورة) استلم العرش كآخر إمبراطور بيزنطي.
  • 1725: يوهان سباستيان باخ قاد العرض الأول لكانتاتا الكورال "Liebster Immanuel, Herzog der Frommen" بمناسبة عيد الغطاس.
  • 1912: الجيوفيزيائي الألماني ألفريد فيجنر قدم نظرية انجراف القارات، اللي كانت البداية لفهم الصفائح التكتونية، لجمعية الجيولوجيين الألمان.
  • 1953: انعقد المؤتمر الاشتراكي الآسيوي الأول، و هو منظمة لأحزاب سياسية اشتراكية، برانغون بحضور 177 مندوب، مراقب و ضيف.
  • 2014: أول حلقة من السلسلة الوثائقية "Benefits Street" انعرضت على قناة 4، و أثارت نقاشات ببريطانيا عن الاعتماد على المساعدات الاجتماعية.


7 كانون التاني

جاليليو جاليلي
جاليليو جاليلي
  • 1610 - جاليليو جاليلي (بالصورة) إكتشف أربع أكبر أقمار كوكب المشتري و إتسمت بالأقمار الجاليلية نسبة إلو.
  • 1797 – تم اعتماد العلم الإيطالي التريكلور لأول مرة كعلم رسمي من حكومة جمهورية سيباده.
  • 1904 – حددت شركة ماركوني الدولية للاتصالات البحرية رمز CQD كإشارة استغاثة لازم استخدامها من مشغلينها.
  • 1939 – الفيزيائية الفرنسية مارغريت بيريه اكتشفت الفرانسيوم، آخر عنصر تم اكتشافه بالطبيعة و مو عن طريق التركيب.
  • 1979 – جيش الشعب الفيتنامي استولى على بنوم بنه، و هاد شكل نهاية القتال الواسع بحرب كمبوديا-فيتنام.
  • 2020 – بعد 253 يوم من دون حكومة عاملة، أنتجت جولة تانية من تصويتات تشكيل الحكومة أول حكومة ائتلافية بإسبانيا من الجمهورية التانية.


8 كانون التاني

مكتبة بلاكستون
مكتبة بلاكستون
  • 1697 – الطالب الإسكتلندي توماس أيكنهيد صار آخر شخص ببريطانيا العظمى ينعدم بسبب التجديف.
  • 1904 – مكتبة بلاكستون (بالصورة)، أول فرع من نظام مكتبة شيكاغو العامة، انفتحت رسمياً.
  • 1977 – تلات قنابل إنسبت للقوميين الأرمن انفجرت بموسكو، قتلت 7 أشخاص و جرحت 37.
  • 1981 – بـ ترانس-آن-بروفانس، فرنسا، مزارع محلي بلغ عن رؤية جسم غريب، اللي إنوصف بإنو "ممكن أكتر رؤية موثقة بشكل كامل و بدقة على الإطلاق".
  • 2011 – جيرد لي لوغنر قوص باجتماع عام نظمته ممثلة الولايات المتحدة غابي غيفوردز بتوسان، أريزونا، و قتل 6 أشخاص و جرح 12 تانيين.


9 كانون التاني

طيارة إيران للطيران
طيارة إيران للطيران
  • 1797 - بحرب التحالف الأول: حصار مدينة كيل من قوات هابسبورغ و فورتمبيرغ خلص لما انسحبت القوات الفرنسية من تحصيناتها.
  • 1917 - بالحرب العالمية الأولى: قوات الإمبراطورية البريطانية غلبت القوات العثمانية بمعركة رفح على حدود سينا و فلسطين.
  • 1972 - فريق لوس أنجلوس ليكرز بدوري كرة السلة الأمريكي للمحترفين خسر قدام ميلووكي باكس، و بهيك خلصت سلسلة انتصاراته اللي كانت 33 مباراة، و اللي هي أطول سلسلة انتصارات برياضة فرق المحترفين الأمريكية الكبيرة.
  • 1975 - العاصفة الكبيرة ولّدت أول إعصار من بين 45 إعصار صارو بفترة 3 أيام بالجنوب الشرقي من الولايات المتحدة.
  • 2011 - بحالة طقس سيئة، طيارة إيران للطيران رحلة 277 (بالصورة) وقعت قريب من مطار أورمية بإيران، و إتوفى فيها 78 شخص من أصل 105 اللي كانو عليها.


10 كانون التاني

نيو اورليانز
نيو اورليانز
  • 236 – البابا فابيان، اللي بيُقال إنو الروح القدس اختارو لما حمامة نزلت على راسو، بلّش بابويتو.
  • 1812 – نيو أورلينز (بالصورة)، أول باخرة بخارية بميسيسيبي، وصلت على نيو أورلينز و خلّصت أول رحلة إلها.
  • 1863 - بدء العمل بلندن لأول خط قطار أنفاق بالعالم.
  • 1920 - عقد أول اجتماع لمنظمة عصبة الأمم، و بهالاجتماع أقرت معاهدة فرساي اللي أنهت الحرب العالمية الأولى.
  • 1929 – تان تان بأرض السوفييت، أول جزء من سلسلة مغامرات تان تان اللي رسمها الرسّام البلجيكي هيرجيه، بلّش يننشر كمسلسل.
  • 1949 - اندلاع الثورة الصينية بقيادة ماو تسي تونغ.
  • 1993 – عاصفة براير، أقوى إعصار خارج مداري اتسجّل بشمال الأطلسي، وصلت لأقصى قوتها.


11 كانون التاني

غلاف التدخين و الصحة
غلاف التدخين و الصحة
  • 1654 - بحرب أراوكو، المابوتشي-هويليتشي اللي عايشين بجنوب تشيلي غلبو جيش إسباني كان عم يصيد عبيد بمعركة ريو بوينو.
  • 1693 - أقوى زلزال مسجّل بإيطاليا ضرب جزيرة صقلية، و سبب بموت 60 ألف شخص، و فتح الباب لفترة نهضة معمارية.
  • 1914 - السفينة كارلوك، اللي كانت السفينة الرئيسية بحملة القطب الشمالي الكندية، غرقت بعد ما انكسرت بسبب الجليد.
  • 1964 - بتقرير مهم (الغلاف بالصورة)، الجراح العام بأميركا لوثر تيري حذّر إنو التدخين ممكن يكون خطر عالصحة، و خلص إنه إلو دور مسبب بسرطان الرئة و التهاب الشعب الهوائية المزمن و أمراض تانية.
  • 2003 - بعد ما انكشف إنو المحقق بشرطة شيكاغو جون بورج كان عم ياخد اعترافات بالقوة من أكتر من 200 متهم، حاكم ولاية إلينوي خفف أحكام الإعدام لـ 167 سجين و عفى عن 4 منون.


12 كانون التاني

المذنب مكنوت
المذنب مكنوت
  • 1659 – القلعة اللي بألله أباد استسلمت لجيش الإمبراطور المغولي أورنجزيب.
  • 1879 – بحرب الزولو، فرقة ناتال الأصلية و الجيش البريطاني هزمو قوات الزولو بمعركة سيهايو كراال.
  • 1899 – بعاصفة، طاقم محطة قوارب النجاة بلينماوث نقلو قارب النجاة تبعون اللي وزنو 10 طن لمسافة 24 كيلومتر على البر لإنقاذ سفينة شراعية متضررة.
  • 1967 – الأستاذ الجامعي بعلم النفس جيمس بيدفورد اللي عمرو 73 سنة صار أول شخص ينحفظ بالتجميد بغرض إعادتو للحياة بالمستقبل.
  • 2007 – المذنب مكنوت (بالصورة) وصل لأقرب نقطة للشمس، و صار ألمع مذنب بأكتر من 40 سنة، بدرجة لمعان -5.5.


13 كانون التاني

ويليام برايس
ويليام برايس
  • 1884 – الطبيب الويلزي ويليام برايس (بالصورة) انقبض عليه لإنو حاول يحرق جثة ابنو الرضيع المتوفى, و هالشي بالنهاية أدى لصدور قانون الحرق سنة 1902 من البرلمان.
  • 1953 – إتهام تسع أطبا من موسكو بتهمة التآمر لتسميم أعضاء من القيادة السياسية و العسكرية السوفييتية.
  • 1968 – المغني الأميركي جوني كاش سجل ألبومو التاريخي At Folsom Prison بشكل مباشر بسجن فولسوم بولاية كاليفورنيا.
  • 1972 – الضابط العسكري الغاني إغناتيوس كوتو أتشيمبونغ قاد انقلاب لإسقاط رئيس الوزرا كوفي أبريفا بوسيا و الرئيس إدوارد أكوفو أدو.
  • 2000 – ستيف بالمر استلم منصب المدير التنفيذي لشركة مايكروسوفت بدل بيل غيتس.


14 كانون التاني

بوستر أوبرا توسكا
بوستر أوبرا توسكا
  • 1301 - مات الملك أندرو التالت من غير ما يكون عندو وريث ذكر، و خلصت مع وفاته سلالة أرباد اللي كانت بتحكم هنغاريا من أواخر القرن التاسع.
  • 1900 - أوبرا "توسكا" للمؤلف الموسيقي جاكومو بوتشيني (البوستر بالصورة)، المأخودة عن مسرحية "لا توسكا" للكاتب المسرحي الفرنسي فيكتوريان ساردو، انعرضت لأول مرة بمسرح كوستانزي بروما.
  • 1960 - تم تأسيس بنك الاحتياط الأسترالي، اللي هو البنك المركزي و السلطة المسؤولة عن إصدار الأوراق النقدية بأستراليا.
  • 1970 - جمهورية بيافرا اللي أعلنت استقلالها من جنوب شرق نيجيريا، استسلمت للحكومة الفيدرالية بعد أقل من تلات سنين من إعلان الاستقلال، و هيك خلصت الحرب الأهلية النيجيرية.
  • 2018 - بلعبة كرة القدم الأمريكية اللي انعرفت باسم "معجزة مينيابوليس"، اللاعب ستيفون ديغز مسك باس لمسافة واحد و ستين يارد (يعني ستة و خمسين متر) و جاب تاتشداون و اللي ضمن فوز فريق مينيسوتا فايكينغز بمباراة البلاي أوف لبطولة الاتحاد الوطني لكرة القدم.


15 كانون التاني

طيارة خطوط يو إس الجوية
طيارة خطوط يو إس الجوية
  • 1857 - بهونغ كونغ الببريطانية، مئات الأوروبيين إتسممو بسم الزرنيخ الموجود بالخبز من فرن محلي، و هالشي إتسبب بتوترات جيوسياسية.
  • 1934 - 10,700 شخص على القليلة ماتو لما صار زلزال بقوة 8.0 درجة بنيبال و بولاية بيهار الهندية.
  • 1974 - القاتل المتسلسل الأمريكي دينيس رايدر، المعروف باسم "قاتل بي تي كاي"، قتل أول أربع ضحايا إلو.
  • 1991 - تم تأسيس وسام فيكتوريا الأسترالي، و صارت أستراليا أول دولة بمجموعة الكومنولث بيكون عندا وسام فيكتوريا خاص بنظامها التكريمي.
  • 2009 - طيارة خطوط يو إس الجوية رقم 1549 ضربت سرب من الوز الكندي وقت طلوعها من نيويورك، و اضطرت تعمل هبوط اضطراري بنهر الهَدسون (بالصورة).


16 كانون التاني

خوسيه كالوغاس
خوسيه كالوغاس
  • 1275 – إليانور بروڤانس أخدت إذن من إبنا الملك إدوارد الأول ملك إنجلترا، لحتى تطرد اليهود من مدن ووستر، مارلبورو، كامبريدج و غلوستر.
  • 1809 – بحرب شبه الجزيرة، القوات الفرنسية تحت قيادة جان دي ديو سول هاجمو القوات البريطانية يلي كانت عم تعمل إخلاء بحري تحت قيادة السير جون مور بكورونا، بمنطقة جاليسيا بإسبانيا.
  • 1862 – مضخة بمحرك بموقع منجم بنيو هارتلي بإنجلترا إتعطلت و وقعت بجوف البير، و حبست العمال تحت الأرض، و هالشي سبب موت 204 واحد.
  • 1942 – بالحرب العالمية التانية، بمعركة باتان، الرقيب بالجيش الأمريكي خوسيه كالوغاس (بالصورة) نظم مجموعة متطوعين ليشغلو مدفعية تحت قصف شديد، و هالشي خلاه ياخد ميدالية الشرف بعدين.
  • 2018 – بمنطقة مروك يو بميانمار، الشرطة قوصو على الناس يلي كانو عم يحتجو على منع حدث لإحياء ذكرى انتهاء مملكة مروك يو، و هالشي سبب قتل 7 واحد و إصابة 12 واحد.


17 كانون التاني

الملكة ليليووكالاني
الملكة ليليووكالاني
  • 1377 – غريغوري 11، آخر بابا من أفينيون، دخل روما بعد رحلة استمرت أربع شهور من أفينيون، و رجع البابوية لعاصمتها الأصلية.
  • 1893 – لورين أ. ثورستون و لجنة المواطنين للسلامة قادو انقلاب على مملكة هاواي و حكومة الملكة ليليووكالاني (بالصورة).
  • 1945 – الحرب العالمية التانية: القوات الأسترالية تقدمت بشمال جزيرة بوغانفيل (بما يعرف اليوم بابوا غينيا الجديدة) و بلشوا يقاتلوا القوات اليابانية بمعركة تسيبا ريدج.
  • 1948 – الثورة الوطنية الإندونيسية: اتفاقية رينفيل بين هولندا و الجمهوريين الإندونيسيين تم تصديقها، بمحاولة بالنهاية فاشلة لحل النزاعات اللي نتجت عن اتفاقية لينغجاديجاتي سنة 1946.
  • 1999 – بمنطقة ليتل سايغون، كاليفورنيا، بلشت سلسلة احتجاجات لما صاحب محل تأجير فيديو عرض صورة لهو تشي منه.


18 كانون التاني

مقبرة الأمم المتحدة العسكرية
مقبرة الأمم المتحدة العسكرية
  • 1871 – مجموعة من الدول اللي كانت مستقلة من قبل، توحدت و صارو الإمبراطورية الألمانية، مع فيلهلم الأول كإمبراطور لألمانيا.
  • 1951 – بدا بناء مقبرة الأمم المتحدة العسكرية بمدينة بوسان بكوريا الجنوبية، اللي هي المقبرة الوحيدة بالعالم اللي تابعة للأمم المتحدة (بالصورة).
  • 1956 – إاتفذ حكم الإعدام بنواب صفوي، رجل دين شيعي إيراني و مؤسس مجموعة فدائيان الإسلام المتطرفة، مع تلاتة من أتباعو، لإنون حاولو يغتالو رئيس الوزرا حسين علاء.
  • 1969 – آلاف الشرطة اليابانيين اقتحمو جامعة طوكيو بعد ست شهور من احتجاجات و احتلالات طلاب الجامعات اليسارية بكل اليابان.
  • 1983 – بعد تلاتين سنة من وفاتو، اللجنة الأولمبية الدولية قدمت ميداليات تذكارية لعيلة الرياضي الأمريكي جيم ثورب، اللي كانو سحبو منو ميدالياتو الدهبية لإنو لعب بيسبول شبه احترافي قبل أولمبياد صيف 1912.


19 كانون التاني

إيفا توغوري
إيفا توغوري
  • 1419 - حرب المية سنة: حصار مدينة روان انتهى بسيطرة القوات الإنكليزية على المدينة من قوات النورمان الفرنسيين.
  • 1909 - تم تسجيل عقد بيع جزيرة رقم 2 بشمال كاليفورنيا من ديفيد هانبري لأخوه جون بمبلغ 10 دولار (339 دولار بسنة 2023).
  • 1977 - إيفا توغوري (بالصورة) اللي كانت متهمة بالخيانة لبثها دعاية يابانية حصلت على عفو كامل من الرئيس الأميركي جيرالد فورد.
  • 1996 - ناقلة خزانات و قاطرة شحطو على شط بري بولاية رود آيلاند، و إتسرب حوالي 828 ألف غالون أميركي (3.13 مليون لتر) من زيت التدفئة المنزلية.
  • 2006 - بأخطر حادث طيران بتاريخ سلوفاكيا، طيارة أنتونوف أن-24 اللي بتشغلها القوات الجوية السلوفاكية إتحطمت بشمال هنغاريا، و مات فيها 42 شخص من أصل 43 كانو عليها.


20 كانون التاني

قطار ملاهي
قطار ملاهي
  • 1265 – سيمون دي مونتفورت دعا ممثلين محليين ليجتمعو بقصر ويستمنستر لحضور برلمان، اللي بيعتبر هلا البداية لمجلس العموم بإنجلترا.
  • 1840 – ويليام التاني صار ملك هولندا بعد ما والده ويليام الأول إتنازل عن العرش.
  • 1885 – لاماركوس أدنا تومبسون، اللي أحياناً بيسموه "أبو الجاذبية"، حصل على براءة اختراع لأول قطار ملاهي (بالصورة).
  • 1945 – الحرب العالمية التانية: بأوبرايشن استغرقت حوالي شهرين لتخلص، ألمانيا بلشت إخلاء ما لا يقل عن 1.8 مليون شخص من شرق بروسيا بسبب تقدم الجيش الأحمر السوفييتي.
  • 2018 – مجموعة مسلحين من طالبان هاجمو فندق إنتركونتننتال كابول بأفغانستان و احتجزو رهائن، و استمرت المعركة 12 ساعة، و راح ضحيتها أقل شي 21 شخص.


21 كانون التاني

جبل لامينغتون
جبل لامينغتون
  • 1793 - بالثورة الفرنسية، بعد ما تم اعتبارو مذنب بالخيانة العظمى من المؤتمر الوطني، لويس الستعش أُعدم بالمقصلة بباريس.
  • 1919 - أول برلمان "ديل" اجتمع بقصر مانشن بدبلن و أعلنو بيان استقلال دعو فيه لإنشاء جمهورية أيرلندا.
  • 1951 - جبل لامينغتون، و هو بركان ببابو غينيا الجديدة، انفجر (بالصورة) و قتل أكتر من 2,900 شخص.
  • 1972 - تريبورا، اللي كانت جزء من مملكة توايبرا المستقلة، صارت ولاية هندية.
  • 2017 - ملايين الأشخاص شاركو بمسيرة النساء بواشنطن العاصمة و حولين العالم، ليطالبو بتشريعات و سياسات بتحمي حقوق الإنسان و مواضيع تانية.


22 كانون التاني

سيتشوايو
سيتشوايو
  • 565 - اعتقال إيوتيسيوس من القسطنطينية بعد ما رفض أمر الإمبراطور البيزنطي جستنيان الأول بتبني مبادئ طائفة الأفثارتودوسيتاي، اللي هي طائفة من المسيحيين المو خلقدونيين.
  • 1273 - محمد التاني صار سلطان غرناطة بعد وفاة والده بحادث ركوب.
  • 1840 - بلش الاحتلال الإنكليزي لنيوزيلندا.
  • 1879 - حرب الزولو-الإنكليز: قوات الزولو بقيادة الملك سيتشوايو (بالصورة) حققت انتصار حاسم بمعركة إيساندلوانا.
  • 1973 - المحكمة العليا بأميركا بقرار تاريخي بـ"رو ضد ويد" أبطلت القوانين اللي كانت بتمنع الإجهاض بأول تلات شهور من الحمل.
  • 2006 - إيفو موراليس تم تنصيبو رئيس لبوليفيا، و صار أول رئيس من السكان الأصليين للبلد.
  • 2012 - كرواتيا عملت استفتاء و صوتت فيه لتصير عضو بالإتحاد الأوروبي.


23 كانون التاني

الإمبراطور هونغوو
الإمبراطور هونغوو
  • 1368 - الإمبراطور هونغوو (بالصورة) اعتلى العرش، و بدا حكم سلالة مينغ، اللي حكمت الصين لمدّة تلات قرون.
  • 1571 - الملكة إليزابيت الأولى افتتحت البورصة الملكية بلندن، و أعطتها لقبها الملكي.
  • 1846 - أحمد باي أعلن الإلغاء القانوني للعبودية بتونس.
  • 1870 - بحروب الهنود الحمر بأميركا: جيش الولايات المتحدة قتل حوالي 200 شخص من قبيلة البيجان بلاكفيت، أغلبون نسوان و أطفال و كبار بالسن، بمجزرة مارياز.
  • 1915 - الثوار اللي كانو بقيادة جون تشيلمبو هاجمو أصحاب المزارع المحلية، و بلشو ثورة بتعتبر لحظة أساسية بتاريخ مالاوي.
  • 2010 - آخر إشارة انرصدت من المسبار الفضائي "بايونير 10" التابع لوكالة ناسا، و اللي كان وقتها على بعد حوالي 12 بليون كيلومتر عن الأرض.


24 كانون التاني

مطحنة سوتر
مطحنة سوتر
  • 1458 – الطبقات الاجتماعية بالإجماع أعلنو إنو ماتياش كورفينوس، اللي كان عمرو 14 سنة، صار ملك هنغاريا بعد ما عمّو ميخائيل سيلاجوي أقنعون يعملو هيك.
  • 1848 – جيمس و مارشال اكتشف الدهب بمطحنة سوتر (بالصورة) بمدينة كولومّا بكاليفورنيا، و هالشي كان السبب ببدء حمى الدهب بكاليفورنيا.
  • 1968 – حرب فييتنام: فرقة المهمات الأسترالية الأولى بلشت عملية كوبيرغ ضد جيش شمال فييتنام و الفييت كونغ.
  • 1977 – الانتقال للديمقراطية بإسبانيا: جماعة نازيين جدد هجمو على مكتب بمدريد، و قتلو 5 أشخاص و جرحو 4 تانيين.
  • 1987 – حوالي 20 ألف متظاهر شاركو بمظاهرة لحقوق الإنسان بمقاطعة فورسيث بولاية جورجيا بأمريكا.


25 كانون التاني

نيلي بلاي
نيلي بلاي
  • 1515 – فرانسيس الأول، حفيد حفيد تشارلز الخامس، إتوّج ملك على فرنسا بكاتدرائية ريمس.
  • 1725 – القرصان أمارو بارغو انمنح لقب هيدالغو، يعني عضو بنبلاء إسبانيا.
  • 1765 – إتأسست مستعمرة بورت إغمونت، أول مستعمرة بريطانية بجزر الفوكلاند.
  • 1890 – الصحفية الأمريكية نيلي بلاي (بالصورة) خلصت رحلة حول العالم بالبر و بالبحر خلال 72 يوم، و هاد كان رقم قياسي وقتها.
  • 1998 – حركة نمور تحرير تاميل إيلام فجرت شاحنة مفخخة بمعبد السن المقدس بمدينة كاندي، و هالشي سبب مقتل 17 شخص.


26 كانون التاني

حريق القاهرة
حريق القاهرة
  • 661 - مقتل الإمام "علي" على إيد إبن ملجم.
  • 1788 - الكابتن آرثر فيليب و الأسطول البريطاني الأول وصلو لسيدني كوف ع شط بورت جاكسون، و أسسو أول مستوطنة أوروبية دائمة بأستراليا.
  • 1885 - بحرب المهدي: حصار الخرطوم إنتهى لما قوات المهدي غلبت الحامية المصرية و أخدت المدينة.
  • 1934 - مسرح "هيرتيغ و سيمون" الجديد للبورلسك بنيويورك سيتي فتح من جديد بإسم مسرح أبولو، و صار واحد من أهم المسارح بالبلد للعروض الأفرو-أميركية.
  • 1942 - وصلت أول طلائع من القوات الأميركية لأوروبا بأيرلندا الشمالية للمشاركة بالحرب العالمية التانية.
  • 1952 - صار حريق كبير بالقاهرة (بالصورة) أكلت فيه النار حوالي 700 محل و سينما و كازينو و فندق و مكتب و نادي بشوارع و ساحات وسط المدينة.
  • 2015 - طيارة مقاتلة إتحطمت بقاعدة لوس يانوس الجوية بألباسيتي، إسبانيا، و هالشي قتل 11 شخص و جرح 21 غيرون.


27 كانون التاني

خريطة الأراضي الهندية
خريطة الأراضي الهندية
  • 945 – الإخوة ستيفان و كونستانتين ليكابينوس، يلي عزلو أبوهن عن العرش كإمبراطور بيزنطي قبل أسابيع قليلة، هنن كمان انقلب عليون قسطنطين السابع، يلي كان إمبراطور مشترك معن.
  • 1825 – بناءً على نصيحة جون سي كالهون، الرئيس جيمس مونرو طلب من الكونغرس تنظيم منطقة الهنود (الخريطة بالصورة) غرب نهر الميسيسيبي، و هالشي حط الأساس لتهجير الهنود بأمريكا.
  • 1832 - انطلاق مقاومة الأمير عبد القادر ضد الاحتلال الفرنسي للجزائر.
  • 1869 – أعضاء سابقين من حكومة توكوغاوا الشوغونية يلي انقلبت، أعلنو إنو جزيرة هوكايدو، يلي هي تاني أكبر جزيرة باليابان، جمهورية مستقلة اسمها إيزو.
  • 1945 – الجيش الأحمر السوفييتي حرر حوالي 7 آلاف سجين تركون النازيين بمعسكر أوشفيتز.
  • 2010 – بورفيريو لوبو سوسا صار الرئيس الجديد لهندوراس، و هيك خلصت أزمة دستورية كانت بلشت بسنة 2009 لما مانويل زيلايا انطرد من منصبو.


28 كانون التاني

الملك شارل السادس بعد حفلة بال ديز أردان
الملك شارل السادس بعد حفلة بال ديز أردان
  • 1393 - الملك شارل السادس من فرنسا (بالصورة) كان رح يموت لما ملابس راقصين ولّعت بالنار خلال حفلة تنكرية بباريس.
  • 1568 - ممثلين الأمم التلاتة بترانسيلفانيا وافقو على مرسوم توردا، اللي سمح للمجتمعات المحلية تختار وعاظها بحرية، بخطوة مو مسبوقة بالتسامح الديني.
  • 1671 - بحرب الإنجليز و الإسبان: الجنود الإنجليز نهبو مدينة بنما و هنن عم يلاحقو القوات الإسبانية اللي كانت عم تنسحب.
  • 1916 - مقاطعة مانيتوبا أصدرت قانون لأول مرة عطى شوية نساء كنديات حق التصويت.
  • 1941 - تقريباً بعد تلات ساعات من غارة قاذفات التايلنديين على سيسوفون، صار وقف إطلاق نار و وقفو الأعمال العدائية بحرب فرنسا و تايلاند.


29 كانون التاني

تشارلز كيرتس
تشارلز كيرتس
  • 757 – أن لوشان, القائد اللي عمل إتمرد ضد سلالة تانغ و إمبراطور يان, اتعرض للاغتيال بمؤامرة شارك فيها إبنو, أن كينغشو.
  • 946 – الخليفة العباسي, المستكفي, تم عزلو و قضى باقي حياتو كسجين بقصر الخلافة.
  • 1907 – تشارلز كيرتس (بالصورة), مواطن من قبيلة كاو و من ولاية كانساس, صار أول أمريكي أصلي بيصير سيناتور بالكونغرس الأمريكي.
  • 1952 – الملك فاروق أقال حكومة مصطفى النحاس باشا بعد حريق القاهرة.
  • 1963 – أمير الكويت الشيخ عبد الله السالم الصباح افتتح أول برلمان كويتي منتخب باسم مجلس الأمة.
  • 2006 – عرفان باثان من الهند صار الوحيد اللي قدر ياخد هاتريك بكريكيت التجارب بأول أوڤر بالمباراة.
  • 2017 – مسلح وحيد عمل حادثة إطلاق نار جماعي بمسجد بمدينة كيبيك بكندا, قتل فيها 6 أشخاص و جرح حوالي 19 شخص.


30 كانون التاني

السفينة يو إس إس مونيتور
السفينة يو إس إس مونيتور
  • 1018 – الإمبراطور الروماني المقدس هنري التاني و الحاكم البولندي بوليسواف الأول من سلالة بياست وقعو اتفاقية سلام بوتسن لإنهاء الحرب الألمانية البولندية.
  • 1607 – غمرت الفيضانات المناطق المنخفضة حولين سواحل قناة بريستول بجنوب غرب إنجلترا و جنوب ويلز، و راح ضحيتها حوالي 2000 شخص.
  • 1847 – تم تغيير اسم قرية "يربا بوينا" بكاليفورنيا لسان فرانسيسكو.
  • 1862 – البحرية الأمريكية أطلقت السفينة يو إس إس مونيتور (بالصورة)، و اللي كانت أول سفينة حربية مدرعة أمريكية.
  • 1893 – الخديوي عباس حلمي التاني عفى عن أعضاء الثورة العرابية اللي تم نفيون لسرنديب.
  • 1964 – بانقلاب بدون دم، نغوين خانه أطاح بالمجلس العسكري لدونغ فان مينه بجنوب فيتنام، بعد أقل من 3 شهور من انقلاب مينه نفسه.
  • 2005 – بعد 46 سنة تماماً من غرق السفينة الدنماركية إم إس هانس هيدتوف، الملكة مارغريت التانية كشفت النقاب عن نصب تذكاري بكوبنهاغن لتخليد ذكرى 95 راكب و فرد من الطاقم اللي ماتو بالحادثة.


31 كانون التاني

بورتريه الرونين من رسم أوتاغاوا يوشيتورا
بورتريه الرونين من رسم أوتاغاوا يوشيتورا
  • 1703 – سبعة و أربعين رونين (بالصورة) هجمو على بيت كيرا يوشيناكا و قتلوه بعمل انتقام لمولاون الإقطاعي المتوفي أسانو ناغانوري.
  • 1850 – حروب يوت: بأمر من حاكم إقليم يوتا بريغهام يونغ, قائد الميليشيا دانيال هـ. ويلز كتب أمر لميليشيا إقليم يوتا لإبادة رجال تيمبانوجوس اللي اعتبرو عدائيين, و هالشي أدى لمجزرة نهر بروفو.
  • 1900 – داتو محمد صالح, قائد سلسلة اضطرابات كبيرة بشمال بورنيو, انقتل بالرصاص بتمبونان, بس أتباعو ما استسلمو لخمس سنين بعد مقتلو.
  • 2000 – رحلة خطوط ألاسكا الجوية 261, اللي كانت عم تعاني من مشاكل بنظام المثبت الأفقي, إتحطمت بالمحيط الهادي قريب من جزيرة أناكابا بكاليفورنيا, و مات كل 88 شخص اللي كانو عليها.
  • 2010 – فيلم "أفاتار" لجيمس كاميرون صار أول فيلم بيحقق أكتر من 2 مليار دولار أمريكي بالعالم.