Template:Wb/khw/کھوار وکیپیڈیا
بسم اللہ الرحمٰن الرحیم
| کھوار | |
| |
| ماٹو | " کھوار راور، کھوار نیویشور، کھوارا لودیور" |
| بنیاد | 25 اپریل 2010 |
| ویب سائٹ | [1] |
کھوار وکیپیڈیا کھوار زبانا نیویشونو باک ای انسائکلوپیڈیا شیر۔ وا ھمو رحمت عزیز چترالی کھوار اکیڈمی، ویکیمیڈیا فاونڈیشن اورچے ویکیپیڈیو تعاون اوچے اشتراکو سورا ساوزے آسور-
کھوار زبانا آویلووکیپیڈیا
[edit source]وکیپیڈیو جنوری 2001 شروع کورونو بیتی اوشوئے وا اردوا ہمو آغاز مارچ 2004 ہوئےـ کھوار زبانا ویکیپیڈیو آغازو کھوار اکیڈمی (اکادمی برائے تحقیق چترالی زبانیں) اوچے اردو وکیپیڈیو ایڈیٹر رحمت عزیز چترالیو تعاونو سورا 25اپریل 2010ہوئے۔ ہیہ منصوبہ بو لوٹ منصوبہ شیر بلکہ ای عظیم منصوبہ شیر ، اگر پسہ سوم دی کھوار زبانو بارامعلومات شینی تھے ہے معلوماتن کھوار اکیڈمیوت انزاوور تا کہ ہیتان ہیہ وکیپڈیا اپ لوڈ کوروسی، پسہ سوم کیہ دی موضوعا، مضمون، کیہ معلومات ،کھوارو کیہ نوغ لوظ (لفظ ) کہ شیر تھے ہتوعو کھوار اکیڈمیوتے انزئے اسپہ سوم مدد کورور تاکہ پسہ زبان دی خور زبانن غون ترقی کوروئے۔ کھوارزبانا ہیہ آویلووکیپیڈیا ہموتے پسہ تعاونو بو ضرورت شیر۔ کیہ دی قمو(قوم) تشخصو وا قمان ترقیوانحصار ہیہ لوو سورا بویان کہ ہتے قوم علم و عملو میداناکیہ قسمہ طرزِ عملو مظاہرو کورویان۔ کھوار وکیپیڈیا پساتے ہتے موقعو فراھم کورویان کہ ہے وکیپیڈیا پسہ نا صرف علمی میدانا عملی طورا آسانیو سورا کھواروتشخصو اجاگر کوریکو بومی بلکہ پسہ تان شناختودی ساوزئیکو دی بومی۔
کھوار ویکیپیڈیا کیہ اشناری؟
کھوارویکیپیڈیا کھوارو واحد انسائکلوپیڈیا شیرکہ ہمو مشترکہ طورا قا رئین و ناظرین تحریر کورونیان۔ کھوارویکیپیڈیا ای خاص قسمو ویب سائٹو استعمال کورویان کہ ہوتے ویکی رونو بویان۔ لاتعداد روئے ہر گھنٹا ہیہ ویکیپڈیا اضافہ کوری مستقل ویکیپیڈیوتےترقی دونیان۔
ای کما فائدہ:
کھوار ویکیپیڈیا ای عالمگیر موقع (site) شیر وا ہیا اور ویکیپیڈیا پسہ ہر نیویشیرو دی عالمگیر بوئی۔ وکیپیڈیا ویب سائٹہ لامحدود فضاء (space) مہیا کورویان، ہے ویکیپیڈیا پسہ کندوری دی مواد کہ اپ لوڈ اریتامی کوریکو بومی۔
کھوار ویکیپیڈیا پساتے تان ذاتی صفحہ سارزئیکو موقعو دی فراہم کورویان، کھوار ویکیپیڈیا پسہ تان بارا کیاغ کی تحریر کوریکو بومی۔
کھوار وکیپیڈیا پساتے قلمی دوست مہیا کورویان کہ ہتیت ہر وختہ وا ہر مرحلا پسہ سوم جوستہ بونی۔
کھوارویکیپیڈیا پساتے مشکل کہ ہائی فوری مدد فراھم کوروئی تاکہ پسہ اپنی تحریرو بخوبی مکھمل کوریکو بومی ۔
پسہ نم(نام) پسہ ہر مضمونوتاریخچا ہمیشہ ہمیشو بچے محفوظ بیتی تاریخو زینت ساوز بوئی۔
کھوارویکیپیڈیو بچے پسہ کیاغ کوریکو بومی؟
پسہ تان کھوار شعران اردو اوچے انگریزی ترجمان، وا تان مختصر تعارفو سوم ای کوری اسپتے بشلی کغاز(ای میل) کوریکو بومی۔ بالکل بے فکرتان تحریران کھوار اکیڈمیوتے انزاوور۔ اسپہ نعرہ کھوار راوور، کھوارا لو دیور، کھوار نیویشور