Talk:Wp/sxu/Saggsn
Add topicLatest comment: 4 years ago by Epipactis in topic Fragen zum Dialekt
Fragen zum Dialekt
[edit source]- Der Dialekt dieses Artikels ist in der VG nur unscharf mit "Mittelsachsen" verortet. Lässt sich das geographisch noch etwas präzisieren, z.B. als Dreieck oder Viereck einiger größerer Städte?
- Handelt es sich um einen "realen" Dialekt, d.h. ist der Text so geschrieben wie der/die Bearbeiter ihn selbst aussprechen, oder wird ein dialektologisches Standardwerk benutzt, also ein "idealer" Dialekt konstruiert? --Epipactis (talk) 19:10, 15 December 2019 (UTC)
- Mr genn's off's Gebied zwisch'n Rochlitz un Waldheem, Mietweede un Leisnich eigrenz'n. Ich hab frieher selwer so ungefähr gesproch'n, wenn geen'r offgebassd had. Hab's mr awr abgeweend un red's bloß noch z'n Spaß. Wie mr's schreibd, is enne ganz annere Frache ... for unsr "dreckches a", was de Nichsaggsn manchma wie "o" schreim, gibd's geen Buchstahm ... --Schlosser67 (talk) 19:39, 15 December 2019 (UTC)
- Danke erschtma für de bromde Antword. Das habsch drüüm off dor WP-Disk schonn erwähnt, dass mir mindesdns zähn, fuffzn Vokale bräuschdn und davon mindesdns de Hälfde ungefähr zwischn "a" und "o", dor Rest wärn wo größdnteils "u"s. Mir Dräsdnor bildn uns übrischns ein, dasses bei uns durschaus änn märklischn Undorschied zwischen b/p, d/t und g/k gibbt, abor Außenstehnde wärn das möglischerweise ni bestädischn und 's is oo ni sonderlisch konsequent. Off jedn Fall mergsde villeischt schonn, dasses ni viel Sinn hedde, wenn eener mit meinor Sprachfärbung middndrin in deim Artiggl ädiddiern würde. Deswäächn nämlisch oo meine Fraachn, denn meinor Meinung nach sollde in jedm Artiggl ohm ä Kastn stehn, in däm där jeweilische Dialekd einischormaßn eingegrenzd wird, am besdn wäre natürlisch änne wissnschaftlische Bezeischnung, sofern eene offzutreibm iss. --Epipactis (talk) 22:30, 15 December 2019 (UTC)
- Weesde, das mid'n Dialekdn genn mr glärn, wemmr 'n Ardiggl driewer ham. Ich denke ma, das werd s'ch in erschdr Linche in Osdrländsch un Meißnisch offdeeln, awr wo ich offgewachsn bin, is das eher vrmischd. Ich hab schon mal een angefang', der liecht awr off'n annern Rechnr. Drweile gannste ja was iewr Dräsdn schreim ;-) --Schlosser67 (talk) 08:33, 16 December 2019 (UTC)
- Misch hat die drübische Disgussion erschtma wie bissl orschüddord. So wie das dord rüborkoam, ham mir ösdlischn Tieflandsaggsn nach Experdnmeinung üborhaubt gor keen richdschn Dialegt (mähr), jednfalls nischt Definierbores, obwohl mir dorr eingdlisch weeßgodd schlimm genuch kling'. Or anscheind isses middn Dialegdn wie mid Audos: Wassde tagtäglisch benutzd, wird nie wärdvoll, ejor Schrodd. Ä anorkannder Hochdialegt dagääng is wie änn Oldtimer, wo jedes Fitzl aggademisch polierd is, abor leidor haddn nie eener fahrn gesähn, es is ä reines Museumsstügg. Dämendspreschnd wirds also schwierisch wärn, änn "wildn" Alltagsdialegt dorzustelln und zu reschtferdichn, und orschwärnd hinzu kommd: Je mähr mor vorsuchd, halbwägs konsistend zu schreim, umso gekünsdldor kommds eem sälbor vor. --Epipactis (talk) 00:16, 19 December 2019 (UTC)
- Weesde, das mid'n Dialekdn genn mr glärn, wemmr 'n Ardiggl driewer ham. Ich denke ma, das werd s'ch in erschdr Linche in Osdrländsch un Meißnisch offdeeln, awr wo ich offgewachsn bin, is das eher vrmischd. Ich hab schon mal een angefang', der liecht awr off'n annern Rechnr. Drweile gannste ja was iewr Dräsdn schreim ;-) --Schlosser67 (talk) 08:33, 16 December 2019 (UTC)
- Danke erschtma für de bromde Antword. Das habsch drüüm off dor WP-Disk schonn erwähnt, dass mir mindesdns zähn, fuffzn Vokale bräuschdn und davon mindesdns de Hälfde ungefähr zwischn "a" und "o", dor Rest wärn wo größdnteils "u"s. Mir Dräsdnor bildn uns übrischns ein, dasses bei uns durschaus änn märklischn Undorschied zwischen b/p, d/t und g/k gibbt, abor Außenstehnde wärn das möglischerweise ni bestädischn und 's is oo ni sonderlisch konsequent. Off jedn Fall mergsde villeischt schonn, dasses ni viel Sinn hedde, wenn eener mit meinor Sprachfärbung middndrin in deim Artiggl ädiddiern würde. Deswäächn nämlisch oo meine Fraachn, denn meinor Meinung nach sollde in jedm Artiggl ohm ä Kastn stehn, in däm där jeweilische Dialekd einischormaßn eingegrenzd wird, am besdn wäre natürlisch änne wissnschaftlische Bezeischnung, sofern eene offzutreibm iss. --Epipactis (talk) 22:30, 15 December 2019 (UTC)